Британиянинг Уолсолл шаҳарчасида Роллс-Ройсе Ghost Lamborghini Urus’нинг орқасига келиб урилиб, йўл-транспорт ҳодисасини содир этди, деб ёзади CARakoom.
Rolls-Royce’ни бошқарган авария айбдори воқеа жойидан пиёда юриб қочиб кетган. Уэст-Мидлендс полициясининг маълумотларига кўра, у машинадан ташқари, ўз шахсини тасдиқловчи ҳужжатларни қолдириб кетган. Шу сабабли айбдорни топиш қийинчилик туғдирмайди.
Тахминларга кўра, Rolls-Royce ҳайдовчиси маст ҳолда бўлган ёки автомобиль бошқариш ҳуқуқига эга бўлмаган.
Авария сурати эълон қилинган Twitter’даги пост остида қолдирилган версиялардан бирига кўра, Rolls-Royce Ghost маҳаллий компанияларнинг биридан ижарага олинган.
Аввалроқ британиялик телебошловчи кўрсатув суратга олиш жараёнида Lamborghini’да аварияга учрагани тўғрисида хабар берилганди.
Изоҳ (0)