Буюк Британия қироличаси Елизавета Иккинчи қотиллиги учун судланган Стивен Галлантнинг қамоқ муддатини қисқартирди — Галлант 2019 йил ноябрида Лондон кўпригида террорчини зарарсизлантиришга ёрдам берган эди, дея хабар бермоқда Meduza.
Галлант 2005 йили Халл шаҳрида ўт ўчирувчини ўлдиргани учун 17 йилга озодликдан маҳрум қилинган. 2019 йил 29 ноябрь куни Галлантга Лондон кўпригида жойлашган Балиқ савдогарлари гилдияси биносида бўлиб ўтадиган маҳбуслар реабилитацияси бўйича конференцияда иштирок этишга рухсат берилган. Худди шу ерда Усмон Хон ҳам бўлган — у конференция иштирокчиларига пичоқ билан ташланиб, икки кишини ўлдирган. Галлант бошқалар билан биргаликда жиноятчини тўхтатишга уринган — бунинг учун у гилдия биноси деворида осилиб турган нарвал (тумшуғидаги шохсимон тиши бўлган китларга мансуб денгиз жонивори)нинг бир ярим метрлик тишидан фойдаланган. Охир-оқибат террорчи полиция етиб келгунига қадар кўприкда сиқувга олиниб, зарарсизлантирилган.
Bystander; a person who is present at an event or incident but does not take part.
— ∼Marietta (@MariettaDaviz) November 30, 2019
The people on the London bridge were far from bystanders, together they stopped the attacker from killing anymore people.#Heroes 🇬🇧 #LondonBridgeAttack#SaturdayThoughts pic.twitter.com/F5ZsDyNx4g
Галлантнинг қамоқ муддати 10 ойга қисқартирилади ва у 2021 йил июнида муддатидан аввал озод этишларини сўраб мурожаат қилиши мумкин, деб ёзмоқда The Guardian. Якуний қарор муддатидан аввал шартли озод қилиш бўйича комиссия томонидан чиқарилади, бироқ у ҳам қироличанинг қарорини ўзгартириши эҳтимоли жуда кам.
Буюк Британия Адлия вазирлигидан маълум қилишларича, қиролича маҳбусларни афв этиш ҳуқуқидан камдан-кам фойдаланади, бироқ айни ҳолатда қироличага «ўз ҳаётини хавф остида қолдириб, бошқалар ҳаётини сақлаб қолишга ёрдам берган» Галлантнинг «фавқулодда жасур хатти-ҳаракати»ни рағбатлантириш тавсия қилинган.
Изоҳ (0)