Тожикистон қуйи палатаси спикери Махмадтоир Закаризода 15 октябрь куни мамлакатнинг икки палатаси аъзолари ўртасидаги қўшма мажлисни 30 октябрда ўтказиш ҳақидаги қарорни имзолади. Бу ҳақда Asia-Plus хабар тарқатган.
Хабарга кўра, шу куни мамлакатда бўлиб ўтган президентлик сайловларида ғалаба қозонган Эмомали Раҳмон расман президентлик қасамёдини амалга оширади.
Мавзуга доир: Шавкат Мирзиёев Эмомали Раҳмонни президентлик сайловида ғалаба қозонгани билан табриклади
Эмомали Раҳмон Кўҳи Самонда ҳукумат вакиллари, парламент аъзолари ва жамоатчилик вакиллари иштирокида конституция, Тожикистон халқи учун қасамёд қилади, Миллат саройида эса унга президентлик рамзлари – штандарт ва гувоҳнома тақдим қилинади.
Юқори мартабали хориж делегациялари инаугурация маросимига таклиф қилинмаган.
Маросимдан сўнг пойтахтдаги марказий майдонда Душанбе ҳарбий гарнизони ва ҳарбий қисмларнинг аскарлари иштирокида парад ўтказилади.
Изоҳ (0)