Халқаро ҳаво транспорти ассосиациясининг экспертлари авиапарвозлар вақтида коронавирусга чалиниш хавфи ниҳоятда паст эканини тушунтириб берди. Бу ҳақда Daily Express хабар қилди.
Халқаро ҳаво транспорти ассосиацияси (IATA) COVID-19’ни самолётдаги парвоз вақтида юқтириб олишнинг хавфлилик даражаси ҳақидаги ҳисоботни эълон қилди. Ундаги маълумотларга кўра, йил бошидан бери ҳаво транспортлари орқали 1,2 миллиард йўловчи ташилган. Бунда 44 та вазиятда коронавирус билан касалланиш ҳолатлари қайд этилган, касалликнинг юқишига самолётдаги йўловчиларнинг аэропортларда бошқа бортга кўчиб ўтгани сабаб бўлиши мумкинлиги тахмин қилинмоқда. IАТА тиббиёт консултанти Дэвид Пауэллнинг ҳисоб-китобларига кўра, бунда касалланиш кўрсаткичига кўра 27 миллион йўловчи орасидан фақат бир кишида касалланиш кузатилган.
«Самолётда COVID-19 юқтириб олиш хавфи жуда паст», – дейилади IАТА’нинг саёҳатлар бўйича онлайн тавсияларида.
Экспертнинг фикрича бундай хулосага келишга тўрт асосий сабаб мавжуд:
- ўтирган ҳолатда парвоз қилиш – самолётдаги парвознинг асосий вақти давомида йўловчилар юзларини олдинга қилган ҳолда кетади, бунда уларнинг бир-бирларига қараб нафас олиши ёки чиқариши бўйича ҳаракатлар амалга оширилмайди.
- курсиларнинг юқори қисми – самолётлар ўриндиқларининг юқори қисми анча баланд COVID-19’нинг тарқалишига қарши ўзига хос тўсиқ бўла олади.
- ҳаво оқимининг юқори тезлиги – тадқиқотлар самолётдаги ҳаво оқимининг (борт шифтидан полгача бўлган) томчиларга нисбатан ўтувчанлик хусусияти бошқа транспортларга нисбатан анча кам.
- ҳаво алмашинуви – замонавий реактив самолётлар HEPA касалхоналар синфига мансуб юқори ҳаво фильтрига эга. У вируслар, бактериялар ва замбуруғларни йўқ қилишда 99,9 фоизга самарали. Салондаги фильтр ҳар икки уч дақиқада янгиланиб туради.
Қўшимча эҳтиёт чоралари сифатида авиакомпаниялардан бирининг борт кузатувчиси самолёт салонидаги энг кир жойлар ва йўловчиларнинг ушлаши тавсия қилинмайдиган буюмлар ҳақида маълумот берган. Стюардесса биринчи навбатда олдинда турган ўриндиқнинг юқори қисмидаги ён чўнтакка қўл текказмаслик лозимлигини уқтирган.
«Улар парвоз олдидан тозаланади, бироқ ҳар доим ҳам дезинфекция қилинмайди. У ерда бўлган қоғоз сочиқлар, пакетлар ва ахлатни тасаввур қилинг», – деган бортда кузатувчи сифатида ишлайдиган қиз.
Шунингдек, у ўриндиқ орқасидаги тахтачадан фойдаланишдан аввал уни яхшилаб дезинфекциялашни маслаҳат берган.
«Мен шундай тахтачаларда чақалоқнинг таглигини алмаштиришганини кўрганман, ифлосланган памперсни эса ён чўнтакка солиб қўйишган», – деган стюардесса.
Борт кузатувчиси ўриндиқлар орасидаги вентиляцион тешиклардан ҳам эҳтиёт бўлиш зарурлиги, техника хавфсизлиги қоидаларига ҳам риоя этиш кераклигини эслатган.
«Уларни минглаб қўллар ушлаган, шу сабабли ҳам эҳтиёткор бўлиш ва яхшилаб артиб, кейин тегиниш тавсия қилинади. Ҳожатхона эшигини очаётганда салфеткадан фойдаланиш керак», – дейди стюардесса.
Изоҳ (0)