Чилонзор туманининг 19-даҳасидан ўтувчи Ал-Хоразмий кўчасида Spark ҳамда тез ёрдам машинаси ўртасида йўл-транспорт ҳодисаси содир бўлди. Бу ҳақда Zo‘r TV телеканалининг «Бу кун» дастурида маълум қилинди.
Маълумотларга кўра, тез ёрдам автомобилида оғир бемор олиб кетилаётган бўлган. Содир бўлган ЙТҲдан сўнг, бемор бошқа тез ёрдам машинасида касалхонага етказилган.
Авария иштирокчиси бўлган иккала ҳайдовчи ҳам ўзининг айбсизлигини таъкидлаган.
«Бу йўл-транспорт ҳодисаси кимнинг хатоси сабаб содир бўлгани тергов натижаларидан аниқланади», — дейилади хабарда.
Аввалроқ Наманганда Epica тез тиббий ёрдам машинаси билан тўқнашиши оқибатида ҳамшира жароҳатлангани, Бухорода эса тез ёрдам машинаси иштирокида содир бўлган ЙТҲ оқибатида икки киши ҳалок бўлгани тўғрисида хабар берилганди. 2020 йилнинг апрель ойи ўрталарида Тошкентнинг Нурафшон ва Чиғатой кўчалари кесишмасида тез ёрдам машинаси ЙТҲга учраши оқибатида 5 киши жароҳат олганди.
Мавзуга доир: Навоийда Nexia йўлдан ўтаётган шифокорни уриб кетди. Жабрланувчи шифохонада вафот этди
Изоҳ (0)