Россия 2016 йилда Истанбулда содир этилган қотилликда айбланаётган Ўзбекистон фуқаросини Туркияга топширди. Бу ҳақда Россия Бош прокуратураси матбуот хизматига таяниб «Kun.uz» хабар берди.
Маълум қилинишича, қотиллик содир этилгандан кейин ўзбекистонлик шахс изсиз ғойиб бўлган ва қидирувга берилган.
«Россия ҳудудида унинг жойлашган жойи аниқланганлиги муносабати билан Туркия Бош прокуратураси айбланувчини экстрадиция қилиш тўғрисида Россия Бош прокуратурасига сўров юборди. Сўров қондирилди», – дейилади Россия Бош прокуратураси маълумотида.
Қайд этилишича, ушбу фуқарони топшириш масаласи эпидемиологик вазият туфайли мураккаблашган. Шунга қарамай айбланувчи Туркияга етказилган.
«Туркия кучишлатар тузилмалари ходимлари ҳамроҳлигида ва барча хавфсизлик чораларига риоя қилган ҳолда айбланувчи Туркияга етказилди», – дейилади маҳкама хабарида.
Аввалроқ Грузияда хакерлик қилиб, 3000 долларга яқин пулни ўзлаштирган Ўзбекистон фуқароси қўлга олингани ҳақида хабар берилганди.
Мавзуга доир:
Изоҳ (0)