Ўзбекистон терма жамоаси бош мураббийи Вадим Абрамов 12 октябрь куни БААга қарши кечган ўртоқлик учрашувидан (2:1) кейин ўз фикрлари билан ўртоқлашди. Бу ҳақда «Championat.asia» хабар қилди.
Йигитлар ҳаракат қилди, чиройли ўйин намойиш этишга уринди. Рақиб бизга шундай ўйнаш имконини берди. Биласизми, бу ўйинда натижа муҳим эмасди. Таркибимиздаги йигитларни майдонда синаб кўриш мақсадимиз эди. Анчадан буён уларни терма жамоада кўрмагандик. Эрон ва БААга қарши ўйинларда йиғинга чақирилган деярли барча футболчилар майдонга тушди. Ҳеч ким БААга сайёҳ бўлиб боргани йўқ. Яна хорижда ўйнаётган бир қатор футболчилар бор, улар бу йиғинга қатнаша олмади. Умуман олганда бу йиғин учун футболчиларга раҳмат айтаман. Айниқса, «Пахтакор» аъзоларига алоҳида раҳмат. Улар Қатардаги ОЧЛда деярли бир ой меҳмонхонадаги хонадан ҳеч қаерга чиқмай яшади. БААга ҳам келдик ва яна меҳмонхонадан чиқмаяпмиз. Терма жамоага ёрдам бергани учун раҳмат.Ҳа, Игор Сергеевга доим ишонганмиз. У терма жамоада янги эмас, тажрибали футболчи. Бу ўйинда у катта ҳажмдаги ишни бажарди. Жуда масъулиятли футболчи. Иккита гол учун алоҳида раҳмат айтаман.
Азиз Ғаниев ва Отабек Шукуров БАА чемпионатида ўйнайди. Шу боис бу учрашувда уларга ишонч билдирдим. Улар ўзини яхши томонлама кўрсатди. Барча кўрсатмаларни тўлиқ бажарди. Албатта майда хатолар бор, аммо барчаси бирданига бўлмайди. Қисқа вақт ичида хатоларни бартараф этишга уринамиз. Тошкентга 16 октябрь куни қайтамиз.
Вадим Абрамов, Ўзбекистон терма жамоаси бош мураббийи
Мавзуга доир: Игор Сергеев Ўзбекистон терма жамоаси тўпурарлари рўйхатида Жаъфар Ирисметовдан ўзиб кетди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)