Ўзбекистон терма жамоаси ҳужумчиси Игор Сергеев 12 октябрь куни БАА терма жамоасига қарши кечган ўртоқлик ўйинида (2:1) дублга эришди.
Бу «Пахтакор» форварди учун Ўзбекистон терма жамоасидаги 15 ва 16-голлар бўлди. 27 ёшли футболчи терма жамоа сафидаги 53-учрашувда ушбу натижани қайд этди.
Шу тариқа Сергеев Ўзбекистон терма жамоаси тўпурарлари рўйхатида Улуғбек Бақоев (14) ва Жаъфар Ирисметовни (15) ортда қолдирган ҳолда 7-ўринга кўтарилди.
Терма жамоа тарихидаги энг яхши тўпурар Максим Шацких бўлиб, унинг ҳисобида 34 та гол бор. Айни дамда фаолиятини давом эттираётган футболчилардан фақат Элдор Шомуродов (21) ва Одил Аҳмедов (20) Игордан кўпроқ гол уришга эришган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)