«Бёрнли» ҳимоячиси Жеймс Тарковски фаолиятини «Манчестер Юнайтед»да давом эттириши мумкин.
The Athletic’нинг хабар қилишича, манчестерликлар марказий ҳимоя чизиғини кучайтирмоқчи ва 27 ёшли англиялик футболчи вариантини жиддий ўрганиб чиқмоқда. Бироқ «қизил иблислар»ни 50 миллион фунт миқдоридаги товон пули хавотирга солмоқда.
Тарковски 2019/20 йилги мавсумда «Бёрнли» сафида 40 та ўйин ўтказиб, иккитадан гол ва голли узатмага муаллифлик қилди. Transfermarkt маълумотларига кўра, футболчининг трансфер қиймати 18 миллион фунтга тенг.
Эслатиб ўтамиз, «Манчестер Юнайтед» марказий ҳимоясида айни дамда Ҳарри Магуайр, Виктор Линдельоф, Эрик Байи, Фил Жонс каби футболчилар бор. Бироқ жамоа сўнгги ўйинларда айнан шу чизиқда жиддий муаммоларга дуч келмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)