“Byornli” himoyachisi Jeyms Tarkovski faoliyatini “Manchester Yunayted”da davom ettirishi mumkin.
The Athletic’ning xabar qilishicha, manchesterliklar markaziy himoya chizig‘ini kuchaytirmoqchi va 27 yoshli angliyalik futbolchi variantini jiddiy o‘rganib chiqmoqda. Biroq “qizil iblislar”ni 50 million funt miqdoridagi tovon puli xavotirga solmoqda.
Tarkovski 2019/20-yilgi mavsumda “Byornli” safida 40 ta o‘yin o‘tkazib, ikkitadan gol va golli uzatmaga mualliflik qildi. Transfermarkt ma’lumotlariga ko‘ra, futbolchining transfer qiymati 18 million funtga teng.
Eslatib o‘tamiz, “Manchester Yunayted” markaziy himoyasida ayni damda Harri Maguayr, Viktor Lindelyof, Erik Bayi, Fil Jons kabi futbolchilar bor. Biroq jamoa so‘nggi o‘yinlarda aynan shu chiziqda jiddiy muammolarga duch kelmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)