Ижтимоий тармоқларда Ҳисор давлат қўриқхонасида ноқонуний равишда чорва моллари боқилаётганлиги ҳақида маълумотлар тарқалди. Мазкур хабарлар юзасидан Давлат экология қўмитаси ўз муносабатини билдирди, деб ёзмоқда ЎзА.
Ҳисор давлат қўриқхонаси раҳбари маълум қилишича, ҳақиқатдан ҳам қўриқхонада чорва моллари боқилган. Ҳозирги кунда тегишли тартибда ҳужжатлар расмийлаштирилиб, чўпон Э.А. келтирган зарар учун жаримага тортилган ҳамда қўриқхона назоратчиларига ҳайфсан берилган.
Қайд этилишича, Қашқадарё вилояти Экология ва атроф муҳитни муҳофаза қилиш бошқармаси инспекторлари назорат рейд тадбирлари ўтказган. «Қўриқхона ходими бўладими, инспектор бўладими, барчамизнинг мақсадимиз, вазифамиз битта, яъни атроф-муҳитни асраб-авайлаш ҳамда келгуси авлодларга етказишдир», — дея таъкидлаган қўриқхона раҳбари Ғ. Янгибоев.
Изоҳ (0)