Ijtimoiy tarmoqlarda Hisor davlat qo‘riqxonasida noqonuniy ravishda chorva mollari boqilayotganligi haqida ma’lumotlar tarqaldi. Mazkur xabarlar yuzasidan Davlat ekologiya qo‘mitasi o‘z munosabatini bildirdi, deb yozmoqda O‘zA.
Hisor davlat qo‘riqxonasi rahbari ma’lum qilishicha, haqiqatdan ham qo‘riqxonada chorva mollari boqilgan. Hozirgi kunda tegishli tartibda hujjatlar rasmiylashtirilib, cho‘pon E.A. keltirgan zarar uchun jarimaga tortilgan hamda qo‘riqxona nazoratchilariga hayfsan berilgan.
Qayd etilishicha, Qashqadaryo viloyati Ekologiya va atrof muhitni muhofaza qilish boshqarmasi inspektorlari nazorat reyd tadbirlari o‘tkazgan. “Qo‘riqxona xodimi bo‘ladimi, inspektor bo‘ladimi, barchamizning maqsadimiz, vazifamiz bitta, ya’ni atrof-muhitni asrab-avaylash hamda kelgusi avlodlarga yetkazishdir”, — deya ta’kidlagan qo‘riqxona rahbari G‘. Yangiboyev.
Izoh (0)