Ўзбекистонда 2020 йил 1 октябрь ҳолатига кўра, Молия вазирлиги ҳузуридаги бюджетдан ташқари Пенсия жамғармасининг ҳудудий туман (шаҳар) бўлимлари ҳисобида туриб, пенсия ва нафақа олаётган 100 ёшга тўлган ва 100 ёшдан ошганлар сони 794 нафарни ташкил қилади. Бу ҳақда жамғарма матбуот хизматига таяниб, ЎзА хабар берди.
Маълум қилинишича, мазкур 100 ёшга тўлган ва 100 ёшдан ошган фуқароларнинг 131 нафари ёки 16,5 фоизи эркаклар ва 663 нафари ёки 83,5 фоизи аёллар ҳисобланади.
Ўзбекистонда 100 ёшга тўлган ва 100 ёшдан ошганлар сони ҳудудлар кесимида қуйидагича:
- Қашқадарё вилояти — 143 нафар (18 фоиз),
- Сурхондарё вилояти — 120 нафар (15,1 фоиз),
- Самарқанд вилояти — 78 нафар (9,8 фоиз),
- Фарғона вилояти — 76 нафар (9,6 фоиз),
- Тошкент вилояти — 64 нафар (8,1 фоиз),
- Наманган вилояти — 59 нафар (7,4 фоиз),
- Андижон вилояти — 56 нафар (7,1 фоиз),
- Бухоро вилояти — 37 нафар (4,7 фоиз),
- Хоразм вилояти — 36 нафар (4,5 фоиз),
- Жиззах вилояти — 31 нафар (3,9 фоиз),
- Навоий вилояти — 27 нафар (3,4 фоиз),
- Тошкент шаҳри — 25 нафар (3,1 фоиз),
- Қорақалпоғистон Республикаси — 23 нафар (2,9 фоиз)
- Сирдарё вилояти — 19 нафар (2,4 фоиз).
Изоҳ (0)