Тошкент шаҳар ҳокими Жаҳонгир Ортиқхўжаев 6 октябрь куни Қорақалпоғистоннинг Нукус шаҳрига ташриф буюрди, деб хабар бермоқда шаҳар ҳокимлиги ахборот хизмати.
Қайд этилишича, Ортиқхўжаев ташрифи давомида Нукусдаги ижтимоий-иқтисодий ҳаёт, аҳолининг турмуш тарзи, шаҳарда амалга оширилаётган лойиҳалар билан танишди.
Ташриф давомида Тошкент ҳокими Бердақ номидаги театрда бўлди, Истиқлол боғи ва ҳозирда тўлиқ ишга туширилмаган қувватлар билан танишди.
Жаҳонгир Ортиқхўжаев Нукус шаҳар ҳокимига Истиқлол боғини янги лойиҳа асосида янада кўркам ва файзли қилиш, бу ердаги кўлда мусиқали фаввора ташкил этиш борасидаги фикрларини билдирди.
Шунингдек, ҳоким Тошкент шаҳар иқтисодиётини кўтариш, аҳоли фаровонлигини ошириш йўналишида ҳам ўз тажрибаси билан ўртоқлашди.
Аввалроқ Жаҳонгир Ортиқхўжаев Сергели туманида Minerva World of Knowledge халқаро университети қурилиши бошланиши муносабати билан ўтказилган маросимда иштирок этгани хабар қилинганди.
Изоҳ (0)