«Челси»нинг янги дарвозабони Эдуард Менди ўнг оёқ сон қисмидан жароҳат олган. Бу ҳақда журналист Мансур Лум хабар тарқатди.
Таъкидланишича, 28 ёшли дарвозабон Сенегал терма жамоаси йиғинидан чақириб олинган ва клуб ихтиёрига қайтган.
Журналистнинг ёзишича, жароҳат тафсилотлари ва тикланиш вақти ҳақида маълумот йўқ.
Эслатиб ўтамиз, «Челси» Менди трансферини 24 сентябрь куни эълон қилганди. Лондонликларга футболчининг трансфери 24+6 миллион еврога тушгани айтилганди.
Менди «Челси»даги дебютини 29 сентябрь куни Лига Кубоги доирасида ўтказилган «Тоттенҳэм»га қарши ўйинда ўтказди.
Изоҳ (0)