АҚШда 7 октябрь куни кечқурун вице-президент лавозимига номзодларнинг мунозаралари бўлиб ўтди, деб ёзади Meduza. Калифорниядан сенатор Камала Ҳаррис Демократлар партиясидан вакил бўлган бўлса, Республикачилар партиясидан амалдаги вице-президент Майк Пенс вакил бўлиб қатнашди.
Аммо кутилмаганда мунозараларга учинчи иштирокчи — пашша аралашди. Ҳашарот Пенс АҚШдаги ирқий ажратимчилик масаласи бўйича нутқ сўзлаётганида икки дақиқадан ортиқ вақт давомида унинг бошида ўтирди.
The buzz after the #VPDebate was dominated by one unlikely star...
— BBC News (World) (@BBCWorld) October 8, 2020
A fly
It was perched on Mike Pence's head for approximately two minuteshttps://t.co/XkaarWCq1J pic.twitter.com/0GI2Df7uaP
Вице-президент ё сир бой бермади, ё шунчаки пашшани сезмади. Лекин уни мунозараларни кузатаётган томошабинлар эътибордан қочирмади. Ижтимоий тармоқларда пашшанинг демократлардан яна бир номзод бўлганини тахмин қилишди ва унинг нутқини ҳамманикидан ҳам ишончлироқ ва асослироқ деб аташди. Пашша билан боғлиқ воқеага қарамай, АҚШ президенти Дональд Трамп барибир Пенсни ғолиб деб эълон қилди.
Мунозаралардан кейингина Демократлар партиясидан президентликка номзод Жо Байден ўз Twitter’ида пашшатутгич ушлаб ўтирган суратини эълон қилиб, унга «Ушбу кампания учиб кетиши учун беш доллар тўланг» деб изоҳ ёзди (сўз ўйини: fly сўзини ҳам «пашша», ҳам «учиш» деб таржима қилиш мумкин).
Pitch in $5 to help this campaign fly. https://t.co/CqHAId0j8t pic.twitter.com/NbkPl0a8HV
— Joe Biden (@JoeBiden) October 8, 2020
Изоҳ (0)