AQShda 7-oktabr kuni kechqurun vitse-prezident lavozimiga nomzodlarning munozaralari bo‘lib o‘tdi, deb yozadi Meduza. Kaliforniyadan senator Kamala Harris Demokratlar partiyasidan vakil bo‘lgan bo‘lsa, Respublikachilar partiyasidan amaldagi vitse-prezident Mayk Pens vakil bo‘lib qatnashdi.
Ammo kutilmaganda munozaralarga uchinchi ishtirokchi — pashsha aralashdi. Hasharot Pens AQShdagi irqiy ajratimchilik masalasi bo‘yicha nutq so‘zlayotganida ikki daqiqadan ortiq vaqt davomida uning boshida o‘tirdi.
The buzz after the #VPDebate was dominated by one unlikely star...
— BBC News (World) (@BBCWorld) October 8, 2020
A fly
It was perched on Mike Pence's head for approximately two minuteshttps://t.co/XkaarWCq1J pic.twitter.com/0GI2Df7uaP
Vitse-prezident yo sir boy bermadi, yo shunchaki pashshani sezmadi. Lekin uni munozaralarni kuzatayotgan tomoshabinlar e’tibordan qochirmadi. Ijtimoiy tarmoqlarda pashshaning demokratlardan yana bir nomzod bo‘lganini taxmin qilishdi va uning nutqini hammanikidan ham ishonchliroq va asosliroq deb atashdi. Pashsha bilan bog‘liq voqeaga qaramay, AQSh prezidenti Donald Tramp baribir Pensni g‘olib deb e’lon qildi.
Munozaralardan keyingina Demokratlar partiyasidan prezidentlikka nomzod Jo Bayden o‘z Twitter’ida pashshatutgich ushlab o‘tirgan suratini e’lon qilib, unga “Ushbu kampaniya uchib ketishi uchun besh dollar to‘lang” deb izoh yozdi (so‘z o‘yini: fly so‘zini ham “pashsha”, ham “uchish” deb tarjima qilish mumkin).
Pitch in $5 to help this campaign fly. https://t.co/CqHAId0j8t pic.twitter.com/NbkPl0a8HV
— Joe Biden (@JoeBiden) October 8, 2020
Izoh (0)