«Заиф сайёра» — бу ер юзида содир бўлаётган драматик ўзгаришлар ҳақидаги қайдлардан иборат китоб. Китоб 230 та суратни ўз ичига олиб, иқлим ва табиат кучларининг ҳудудларга таъсирини тасвирлайди.
Буюк Британиядаги Сент-Айвз шаҳри Грэйт-Оз дарёси ўзанидан чиққанидан сўнг сув ичида қолди.Фото: The Guardian
Ички Мўғулистон Хитойнинг энг йирик учинчи провинцияси саналади. Унинг аксар қисми Гоби саҳросида жойлашган. Қирғоқчилик натижасида саҳро тобора кенгайиб бормоқда.Фото: The Guardian
2016 йилнинг июль ойи ўрталарида АҚШнинг Вайоминг штатида Шошонов миллий ўрмонида лавали тоғдаги ёнғин натижасида 50 квадрат метр ер яроқсиз ҳолга келган эди. Аланга чақмоқ уришидан келиб чиқиб, илк икки ҳафтада тинимсиз кенгайиб борди. Ҳарорат ҳамда шамол ортиши билан олов тарқалиши янада тезлашди.Фото: The Guardian
Италиянинг Лигурия ҳудудидаги энг манзарали шаҳарлардан бири Камольи денгизга қараб турган черковга эга. Кучли штормлар вақтида тўлқинлар унинг деворларига урилади.Фото: The Guardian
Абадий музлик – камида 2 йил муз ҳолатида қоладиган музлоқ ер Шимолий яримшарнинг кўплаб туманлари, жумладан, Аляскада ҳам кузатилади. Ушбу суратда эски абадий музлик эриган ва денгизга тушай деб турибди.Фото: The Guardian
2011 йилнинг 22 майида АҚШнинг Миссури штатидаги Жоплин ҳудудига келиб ўз йўлида учраган ҳар қандай нарсаларни вайрон қилган EF-5 торнадоси 320 км/соат тезликда бўлган. Ушбу офат АҚШда 1950 йилдан бери кузатилган энг даҳшатли ҳодиса саналиб, 158 нафар одамни ҳаётдан олиб кетган, 1000 дан ортиқ одам жабрланган.Фото: The Guardian
Ликиэп ҳалқа шаклидаги маржонлар ороли (атолл) Тинч океанининг Маршалл оролларида жойлашган. У ерда 400 га яқин одам истиқомат қилади. Бу ерда оролнинг энг юқори нуқтаси денгиз сатҳидан атиги 10 метр баландликдаги дўнглик бор. Шу сабабли ҳам атолл ҳамда Маршалл ороллари глобал иқлим исишидан жабрланиши табиий. Дарахтлар қаторидаги уйлар яқинда сув тошиши натижасида ювилиб кетиш хавфи остида қолмоқда.Фото: The Guardian
Ушбу қуюн Франциядаги Мовий қирғоқ яқинидаги Ўрта Ер денгизида кўзга ташланган.Фото: The Guardian
Испаниянинг Гвадалахара ҳудудидаги қуруқ ер.Фото: The Guardian
Ушбу чанг бўронлари кучайганида ҳаводаги зарралар кўрсаткичи 15 400 мг/м3 даражасига чиққан. Таққослаш учун: одатий кунларда мазкур рақамлар 20 мг/м3, ўрмон ёнғинлари эса 500 мг/м3 даражасини кўрсатади. Текшириш натижаларига кўра, Австралия чўлларидан 16 миллион тонна чанг кўтарилгани аниқланган. Энг ёмон офат вақтида эса деярли 75 000 тонна чанг Янги Жанубий Уэльс қирғоқларида қолиб кетган.Фото: The Guardian
Нидерландиянинг катта қисми денгиз сатҳидан пастда жойлашган. Глобал иқлим исиши эса денгиз сатҳи доимий кўтарилиб туради. 1980 йилда мамлакат расмийлари агар ўз вақтида чоралар кўрилмаса, вақти келиб Нидерландиянинг аксарият ҳудудлари сув остида қолиши мумкинлигини айтишган. Айнан шу сабабли 1997 йилда штормлардан ҳимоя девори саналган Маслант тўсиғи қуриб битказилган.Фото: The Guardian
2019 йилнинг октябрида Японияга сўнгги 10 йилликда мамлакатда кузатилган энг кучли «Хагибис» тайфуни кириб келди. Шамол тезлиги 225 км/соатни ташкил этган. Кўплаб дарёлар қирғоқдан тошиб ҳудудларни ювиб кетган. Тайфун 12 октябрда Идзу оролига келганида ярим миллионга яқин уйларга катта талафот етган.Фото: The Guardian
Норвегиядаги Юстедальсбреэн миллий боғида Бриксдал музлиги Юстедалсбреэн музлигидан ажралмоқда. Бриксдаль музлигининг сўнгги «бекати» Бриксдалсватн муз кўлида жойлашган. Унинг ҳажми денгиз сатҳидан 346 метр баландликни ташкил этади. Кўплаб Норвегия музликлари глобал иқлим исишига боғланиб қолган. 2007 йилда музликнинг бир қисми шунчалик узоққа борганки, натижада муз кўлида эмас, балки қуруқликда қотиб қолган.Фото: The Guardian
Британия оролларида 2018 йилнинг мартида интенсив совуқ об-ҳаво тизими Эмма шторми билан қўшилиб йирик талафотларни келтириб чиқарган. Ирландиянинг Дублин шаҳрида «Ҳаёт чархпалаги» номли фонтан сумалаклар ва қор билан қопланганини кўриш мумкин эди.Фото: The Guardian
Буркина-Фасода қурғоқчилик туфайли грунт сувлари даражаси пасайиши ҳаёт тарзини сақлаб туриш учун қудуқларни чуқурроқ қазиш тақозо этилади.Фото: The Guardian
Гоби саҳросидан эсадиган баҳор шамоли одатда Пекин шарқи, Корея яримороли ва ҳатто Япониягача ҳам улкан миқдордаги қум чангларини олиб боради.Фото: The Guardian
Филиппинда йилига ўртача ҳисобда 20 тача тайфунлар кузатилади. 2009 йилнинг сентябрида Кетсана тайфуни Манилага соатига 144 км/соат тезликдаги шамол ва 6 соат ичида бир ойлик меъёрдан кўп ёғингарчиликларни келтирган. Сув сатҳи Манила ва Марикина-Ситининг айрим туманларида уйларнинг иккинчи қаватигача чиққани сабабли одамлар уйларининг томида жон сақлашган. Миллионлаб одамлар зарар кўрган бўлса, юзлаб аҳоли вакиллари қурбон бўлган.Фото: The Guardian
Изоҳ (0)