Қашқадарё вилоятининг Миришкор туманига янги ҳоким тайинланди. Бу ҳақда хабар берган «Дарё» мухбирининг маълум қилишича, вилоят ҳокими Зоир Мирзаев раҳбарлигидаги 7 октябрь куни бўлиб ўтган йиғилишда Қамаши туманига 2018 йилдан буён раҳбарлик қилиб келган Шерали Санаев Миришкорнинг янги ҳокими сифатида таништирилган.
Шерали Санаев Қамаши туманига 2018 йил декабрь ойида ҳоким этиб тайинланган эди. У ҳокимликка қадар 2013—2018 йилларда Миришкор тумани прокурори вазифасини бажарган.
Эслатиб ўтамиз, Миришкор тумани ҳокими Ғайрат Бегалиев 2020 йил 8 сентябрь куни коронавирус асоратлари оқибатида вафот этган (бироқ унинг коронавирус инфекцияси асоратлари оқибатида рўй бергани Ўзбекистон Соғлиқни сақлаш вазирлиги томонидан тасдиқланмаган).
Ғайрат Бегалиев 2020 йил 4 мартдан бери Миришкор тумани ҳокими лавозимида ишлаётган эди. У Миришкор тумани ҳокимлигига келгунга қадар кўп йиллар давомида Қарши тумани ҳокими бўлган.
«Дарё» мухбирининг қўшимча қилишича, 7 октябрь куни Қамаши туманида ҳам сессия бўлиб ўтиши ва унда ташкилий масала кўрилиши кутилмоқда.
Изоҳ (0)