Фарғона вилояти собиқ ҳокими Шуҳрат Ғаниевни аграр ва озиқ-овқат соҳаларини ривожлантириш бўйича бош вазир ўринбосари этиб тайинлаш тўғрисида қарор тўғри ва ўз вақтида қабул қилинди. Бу ҳақда Давлат солиқ қўмитаси раиси Шерзод Кудбиев «Alter Ego» лойиҳасига берган интервьюсида таъкидлаб ўтди, дея хабар қилади «Gazeta.uz».
Давлат солиқ қўмитаси раҳбарининг аниқлик киритишича, бу доимий ҳокимни алмаштириш эмас, балки лавозимини кўтариш эди. Унинг сўзларига кўра, коронавирус пандемияси ҳар бир давлат ўзи учун чегараларни ёпиш ва аҳолини озиқ-овқат билан таъминлаш кераклигини кўрсатди.
«Шунинг учун бу жуда муҳим соҳа. Фарғона вилоятини олайлик. Фарғона вилояти ва ҳоким ҳақида нима дейишидан қатъи назар, агар статистика бўйича янглишмасам, вилоят ўтган йил ва бу йил у аграр сиёсат соҳасида, қишлоқ хўжалиги маҳсулотларини ишлаб чиқариш, экспорт қилиш ва қайта ишлаш ҳажми ва суръатлари бўйича етакчи ҳисобланади. Шунинг учун бу тўғри ва ўз вақтида қабул қилинган қарор деб ўйлайман. Ва бу ўзгариш эмас, балки кўтарилиш. Келинг, таъкидни тўғри қўяйлик, — деди ДСҚ раиси.
Шерзод Кудбиев сўнгги уч йил ичида журналистлар ва блогерлар турли масалаларни очиқ танқид қила бошлаганликларини таъкидладилар, ҳокимлик лавозимида эса барчани рози қилишнинг иложи йўқлигини айтди.
«Ҳоким бўлиш шунчалик машаққатли ишки, барчани рози қилишнинг иложи йўқ, бу оддий жараён. Агар инсон жуда талабчан бўлса ва қисқа вақт ичида маълум натижаларга эришмоқчи бўлса, бу барча ресурсларни сафарбар қилишни талаб қилади. Хоҳлайсизми йўқми, бу нарса кимгадир, қаердадир ёқмайди. Бу одатий жараён, бу ҳаёт.
Ўйлайманки, Фарғона вилоятининг натижалари ҳақида қишлоқ хўжалиги маҳсулотларини ишлаб чиқариш, қайта ишлаш бўйича кўрсаткичлар гапириб турибди», – дейди Кудбиев
Мавзуга доир: Шуҳрат Ғаниев даврида Фарғона вилоятида қандай ўзгаришлар бўлди ва у нимаси билан эсда қолди?
«Ва ушбу омбор асосида қулай даврда савдо амалга оширилади. Ўтган йили 100 миллион доллардан кўпроқ миқдорда мева ва сабзавотлар сотилган эди, бу йил ҳам уларнинг бу кўрсаткич кам бўлмайди. Уч йил олдин биз битта туман мева-сабзавот маҳсулотларини 100 миллион долларга сотишини хаёл қилардик. Унда бутун республика энг кўпи билан 1 миллиард долларлик пахта сотар эди», – дейди Шерзод Кудбиев.
Изоҳ (0)