Ботокс юз ифодаси имкониятини камайтирадими? Юзни жонсиз кўринишга келтирадими? Ажинларни бутунлай йўқотадими? Ботокс ҳақида турли хил фикрлар мавжуд. Шундай бўлса ҳам, аёллар унинг ҳамма жиҳатларини билмай туриб ўзларида қўллаб кўради. Шу сабабдан ҳам мутахассис Елена Макухнинг ботокс учун ишончли қўлланмасини тақдим этамиз.
Ботокс қандай ишлайди?
Нейропротеин терига таъсирини йўқотиш учун мушакни бир муддат тўсиб қўяди. Ажин тушиши терининг бир соҳасида бир хил ҳаракатнинг такрорланиши туфайли юз беради. Дастлаб мимик ажинлар терининг юза қисмида жойлашади ва ҳаракат қилгандагина кўринади, кейинчалик ажин чуқурлашган сари тўқималарга ҳам таъсир қилади. Энди ажинлар юзнинг ҳаракатсиз ҳолатида ҳам яққол кўрина бошлайди, бу эса динамик ажинни статикка ўтиши дейилади.
Ботокс эса терини бутунлай силлиқ қилади, деб ўйлаш нотўғри фикр. Агар тери ёш бўлиб фақат мимик ажинлардан иборат бўлса, вақт ўтиши билан бу соҳада юз ифодалари ўзгарганлиги туфайли силлиқлашиши мумкин. Лекин юзда аллақачон чуқур ажинлар пайдо бўлса, препарат вазиятни оғирлаштирмасликка ёрдам беради, холос.
Неча ёшда қўллаган маъқул?
Ботоксни қўллаш учун вояга етган бўлиш шарт. Бу ёшда ажинлар пайдо бўлишининг олдини олиш яхши. Лекин шундай ҳоллар кузатиладики, 18 ёшда ҳам препарат ёрдам бера олмаслиги мумкин. 70 ёшдаги кекса аёллар ҳам ботоксни қўллаши мумкин, аммо натижа ёш териникига нисбатан камроқ бўлади. Энг яхшиси 26 ёки 30-35 ёш, чунки тери ҳолати яхши бўлган вақтда қўлланилса, узоқ йиллар давомида ажин борасида муаммолар туғилмайди.
Қандай ҳолларда жараённи қўллаш мумкин эмас?
Қўллаш мумкин бўлмаган ҳолатларга ҳомиладорлик ва эмизиш даври киради. Бир вақтнинг ўзида турли хил дори воситаларини қўллаш, масалан, антибиотиклар ва витаминлар ботокснинг таъсирини камайтириш мумкин. Шунинг учун шифокор билан маслаҳатлашган ҳолда, шунингдек, жараён бошланишидан аввал бемор барча маълумотларни яширмаслиги керак. Агар жараёнга киришишдан аввал бу каби саволлар берилмаса, мутахассиснинг тажрибасига шубҳа қилиш лозим.
Натижа қанча вақтда сезилади?
Жараёндан кейинги биринчи ҳафтада ҳаммом, сауна ва пляжларга бориш мумкин эмас. Бу жараён натижасини ёмонлаштириши ва самарадорлигини пасайтириши мумкин. Дастлабки 4 соат мобайнида спорт билан шуғулланиш, горизонтал ҳолат ва юзни пастга қаратиб ётиш мумкин эмас. Бир ҳафта давомида спиртли ичимликлардан воз кечиш тавсия этилади. Жараёндан кейинги умумий тавсияларга кўра, дастлабки икки-уч кун ичида препарат яхши таъсир қилиши учун юз ифодаларидан фаол фойдаланиш керак.
Натижа жараённинг учинчи кунида пайдо бўлади. Ҳафтанинг охирида эса яққол сезила бошлайди. Агар натижа кутилганидек бўлмаса, икки ҳафтадан сўнг ўзгартириш киритиш мумкин.
Жараённинг таъсири қанча вақтгача сақланиб қолади?
Жараённинг таъсир кучи дозаларга ҳам боғлиқ. Яъни доза қанча кўп бўлса, таъсир кучи ҳам узоққа чўзилади. Аммо ҳаддан ортиқ кўп юборилган доза туфайли юз ифодалари қотиб қолиши ҳам мумкин. Шунинг учун ортиқча дозани қўллаш хавфли ҳисобланади.
Ботоксни ўртача ҳар 6 ойда бир маротаба қўллаган маъқул. Аммо ҳамма учун ҳам ушбу қоида мос келмайди. Ҳар бир беморнинг ўзига хос хусусиятлари бор ва кўп нарса модда алмашинуви жараёни, гормонлар ҳамда қалқонсимон безнинг фаолиятига боғлиқ.
Мимикалар сақланиб қоладими?
Юзда мимикаларнинг сақланиб қолиши ҳам доза билан узвий боғлиқ. Мутахассислар иложи борича табиий ва уйғун натижага эришишни хоҳлайди. Юз сезиларли даражада янги кўринади, депрессив мимикалар йўқолади. Бундан ташқари, инсонда ижобий фикрлаш пайдо бўлади. Баъзи тадқиқотлар шуни кўрсатдики, ботулотоксинни қош ҳудудига мунтазам равишда юбориш бу одамнинг ижобий ҳолатига ва ўзини янада фаол намоён бўлишига таъсир қилади. Аёлларни нафақат гўзал қилади, балки бахтни бироз ҳис қилишига ҳам ёрдам беради.
Изоҳ (0)