Карантин шароитида хизмат кўрсатиш масканларига тез-тез бориш ҳам бироз хавфли, лекин қўл, соч, тери парвариши буни кутиб турмайди. Демак, бунинг учун уй шароитида парваришни, айниқса, тирноқларга ғамхўрлик қилишни ўрганиш керак.
Одатда кўп аёллар оддий тинроқ бўёғидан кўра шеллакни афзал кўради. Сабаби у узоқ вақт давомида сувга чидамли ва ўз кўринишини йўқотмайди. Шунингдек, уни кўчириб ташлаш ҳам қийинчиликни талаб этади. Мутахассислар гўзаллик салонида шеллакни олиб ташлашнинг икки хил усулини тавсия этади. Улар махсус аппарат ёрдамида ёки фолга остида гел-лакни эритиш орқали. Аммо уй шароитида ҳам тирноқларга зарар бермасдан шеллакни кўчириб ташлаш мумкинми? Албатта, мутахассислар берган кўрсатмага кўра буни амалга ошириш мумкин.
Шеллакни олиб ташлаш учун қуйидаги маҳсулотлар керак бўлади:- тирноқ эговлагич (пилка);
- пахта;
- шеллак ва лак бўёғини ўчириш учун ацетон;
- фолга;
- ёғоч ёки темир тайоқчалар;
- озиқлантирувчи крем ёки ёғ.
- Тирноқ шаклига мос ҳолда пахта бўлакларга ажратилади. Бу бўёқ ўчирилишида восита терига тушмаслиги учун керак бўлади.
- Шеллак иложи борича эговлагич воситаси билан кўпроқ ишқаланади, агар бўёқ юпқа қатлам қилиб сурилган бўлса, дарҳол натижа аён бўлади.
- Пахта бўлаклари бўёқ ўчириш воситасига ботирилиб олинади. Сўнгра тирноққа қўйилиб, устидан фолга қоғози зич қилиб ўралади ва 10-15 дақиқага қолдирилади.
- Фолга қоғози олиб ташланганда, бўёқ ҳам бирга кўчиб тушади. Бўёқнинг қолдиқларини эговлагич ёрдамида олиб ташлаш мумкин.
- Агар биринчи уринишда шеллак кўчиб тушмаган бўлса, юқоридаги жараённи яна такрорлаб кўриш керак.
- Шеллак олиб ташлангандан сўнг дарҳол кейинги бўёқ сурилмаса, тери ва тирноқ дам олиши учун жараён якунидан сўнг қўл териси ва тирмоқ атрофига махсус намлантирувчи крем суриш тавсия этилади.
Изоҳ (0)