Организм янги фаслга кўникишни бошлаши сабаб бир қанча ўзгаришлар кузатилади ва улар орасида соч тўкилиши ҳам йўқ эмас. Тиббиёт фанлари доктори Наталья Имаева соч тўкилишининг сабаб ва ечимлари ҳақида маълумот беради.
Эркак ва аёллар соч тузилишинг фарқи нимада?
Эркаклар соч тузилиши аёлларникига қараганда мустаҳкамроқ ва ўсиш фазаси қисқа бўлади. Тестостерон гормони сабаб эркаклар сочи тез ёғланади. Аёллардаги эстроген гормони эса соч фоликулалари умрини узайтиради.
Соч тўкилишига нима сабаб бўлиши мумкин?
Кунига ўртача 50-100 тола соч тўкилиши мумкин. Аммо сизда меъёрдан кўпроқ соч тўкилиши ва себорея – тери ёғ қатлами миқдорининг ўзгариши натижасида терининг яллиғланиш касаллиги кузатилса, шифокорга мурожаат қилиш керак бўлади. Сочнинг патологик тўкилишига стресс, моддалар алмашинувининг бузилиши, гормонал дисбаланс, организмда токсин борлиги, ҳаёт учун муҳим бўлган микроэлементларнинг етишмаслиги, шунингдек, ёмон экология, сочнинг кимёвий зарарланиши, бош суяги ёки умуртқанинг жароҳатланиши ҳамда нурланиш, ошқозон-ичак трактининг бузилиши ва айрим препаратларнинг ножўя таъсири сабаб бўлиши мумкин. Бундан ташқари, соч тўкилиши наслий бўлиши ҳам мумкин.
Соч тўкилишини қандай қилиб камайтириш мумкин?
Сочни фен ёрдамида иссиқ бўлмаган ҳароратда қуритинг ва тез-тез тараб туринг. Тараш бош терисида қон айланишини яхшилайди ва ёғ безларининг соч бўйлаб тарқалишига сабаб бўлади. Бунинг учун массаж чўткали соч тароғи билан сочни узунлиги бўйлаб тараш керак. Узун ва бўялган сочлар тарашдан аввал қуруқ бўлиши керак. Сочни илиқ сувда икки марта ювиш керак.
Ёғли ва унча ёғли бўлмаган сочларни фен орқали қуритиш мумкин, лекин ёғсиз сочларни сочиқ ёрдамида қуритган яхши. Сочни турмаклаганда, турли шпилка ва заколкалардан фойдаланганда толаларни зарарланмаслигига эътибор бериш керак. Мавсумга қараб шапка ёки шляпа кийишни унутманг.
Мазкур муаммони қандай ҳал қилса бўлади?
Бош терисидаги муаммо ва соч тўкилишини даволаш учун мезотерапия, сочларни лазер орқали даволаш ва электротрихогенез муолажалари тавсия қилинади. Мазкур муолажалар нафақат соч тўкилишини тўхтатади, балки ўсишини тезлаштириб, аҳволини яхшилайди.
Изоҳ (0)