Гўзаллик танловлари кўпчилик учун имконият эшиги ҳисобланади ва унда иштирок этиш орқали қанчадан қанча қизлар машҳур бўлиши ёки карьерасини йўлга қўйиб олиши мумкин бўлади. Лекин мазкур танлов ҳам бошқалари сингари турлича якун топиши ва натижа ўзгариб туриши мумкин.
Оксана Федорова
Россиялик Оксана Федорова 2002 йилда «Дунё гўзали» деб топилган аммо шартнома шартларини бажармагани учун тожидан айрилишига тўғри келган. «У беназир гўзал, аммо шу билан бирга шунчалик тантиқ ва ҳеч нима қилишни истамайди», — деб шикоят қилган танлов ташкилотчилари. Оксана рекламада суратга тушишдан бош тортган ва телевидениеда чиқиш қилмаган. «Дунё гўзали» деб топилганидан кейин Санкт-Петербургга диссертация ҳимояси учун етиб келган Оксана унга танлов шартларига амал қилинмаса, оқибати нима билан тугаши ҳақида маълумот берилмаганини таъкидлаган. Узоқ давом этган талашишлардан кейин титул танловнинг панамалик иштирокчисига беришга қарор қилинган.
Алеся Семеренко
«Москва гўзали — 2018» танлови ҳам салбий якун топган. 48 рақиб қизлар қолиб, Питерлик талаба қиз Алеся Семеренко пойтахт гўзали деб топилган, аммо у ғолибликдан кейин алоқага чиқмай қўйган. Шартномада келтирилган тадбирларга ташриф буюрмаган ва шу сабаб шартнома тугатилган. Танлов продюсери ҳеч қаерда кўрсатиш мумкин бўлмаган қироличадан маъни йўқлигини билдирган. Алеся бугунги кунда Instagram саҳифасида фотолари билан бўлишиб боради.
Вероника Дидусенко
«Украина гўзали — 2018» танлови ғолиби Вероника орадан 4 кун ўтиб титулни йўқотган. Танлов шартига биноан, унда фақатгина турмушга чиқмаган ва ҳали фарзанди бўлмаган иштирокчилар қатнашиши керак эди.
Аммо Верониканинг 4 ёшли фарзанди бўлган. Иш судгача борган ва оқибатда қиз эндиликда ташкилотчиларга барча чиқимлар ва пул мукофотини тўлаши керак.
Денис Гарридо
«Дунё гўзали — 2015» танловининг финал босқичидаги аҳмоқона хатоликни деб колумбиялик Денис Гарридо тождан қуруқ қолган. Бошловчи танлов ғолибини эълон қилишда адашиб кетган ва тожни бошқа иштирокчига кийдирган.
Инна Жиркова
Ҳамма вақт ҳам титул ташкилотчилар томонидан олиб қўйилмайди. Масалан, «Россия гўзали — 2012» танлови ғолиби Инна Жиркова, у иштирокидаги Ёу Тубеъдаги видеодан кейин титулдан воз кечган. Унда қиз бошловчининг саволларига жавоб бера олмай, уялиб қолган эди. Иннанинг ўзи эса мукофотдан воз кечишига танлов билан боғлиқ сирлардан хабар топганидан кейин танловга ҳам, унинг атрофидаги нарсаларга ҳам яқинлашмасликка қарор қилгани сабаб бўлганини таъкидлаган.
Изоҳ (0)