Энг яхши маҳсулотлар дунё миқёсида евро, доллар, рубль ва бошқа пул бирликларида тўхтовсиз харид қилинади. Айниқса, уларнинг ичида гўзаллик воситалари алоҳида аҳамиятга эга. Масалан, хонимлар танловда қийналадиган туш ҳам шулар сирасидан. Киприкларнинг табиий, қалин ва узун кўриниши учун қандай тушдан фойдаланиш кераклигини билиб қўйиш эса зарар қилмайди.
Paradise Extatic, L’Oreal Paris – 8 доллар
Канакунжут мойи киприкларни ўстиради – таниқли косметика бренди ушбу хусусиятни маҳсулот таркибига қўшди ва энг серхаридор компанияга айланди. Парадисе Эхтатиc сийрак киприк эгаларига жуда мос келади. Унинг ултраюмшоқ чўткаси киприк толаларини шикастламайди ва мукаммал даражада бўяйди. Ушбу туш сувга унчалик чидамли эмас, аммо ёмғир томчиларига бардош беради.
Double Stacked, NYX – 14 доллар
Икки қутидаги туш таркибида оқ ва қора бўёқ мавжуд. Оқ бўёқ киприкларни бироз қалинлаштириб кўрсатади, сўнгра устидан қора бўёқ сурилади. Ушбу услуб киприкларни зарарламайди, оқ бўёқ орқали киприклар ҳажми ва табиийлиги орттирилади.
Lash Queen, Helena Rubinstein – 26 доллар
Хелена Рубинштейн косметика дунёсидаги таниқли шахс бўлиб, бугунги кунда яратилган кўплаб маҳсулотларнинг эгаси ҳисобланади. Ушбу туш АҚШда анчагина машҳурликка эришган, сабаби у киприкларни мукаммал даражада узайтиради ва қайрилган кўриниш беради. Сувга чидамли қилиб ишлаб чиқарилган тушни ҳар қандай вазиятда қўллаш мумкин.
Volum’ Express The Colossal 100% Black, Maybelline New York – 6 доллар
Классик тоифага эга ишлаб чиқарувчи биринчи маротаба маҳсулот таркибида кўмир ҳамда вазелиндан фойдаланди. Туш ишлаб чиқарилаётганига 117 йил тўлган бўлса-да, маҳсулот таркиби ўзгартирилмади. Шунингдек, ушбу бренд остидаги туш ҳамон етакчилик қилиб келмоқда. Ушбу тушнинг чўткалари киприкларни тезда бўяш имконини беради ва кун давомида ўчиб кетмаслиги билан фарқланади.
Diorshow, Dior − 37 доллар
Афсонавий тушни яратувчилар тиш чўткасидан илҳомланган кўринади. Ушбу бренд чўткаси юмшоқ бўлиб, киприкларга табиий кўриниш бахш этади. Шунингдек, восита оддий сув ёрдамида ҳам осон ювилади. Маҳсулот бинафша рангдан тортиб қора ранггача – 8 хил кўринишда мавжуд.
Intensifying Long-Wear Mascara, Bobbi Brown – 27 доллар
Ушбу маҳсулот ҳам оддий сув билан ювиш мумкин бўлган воситалардан биридир. Кейинчалик бошқа бренд маҳсулотлари ҳам буни такрорлади, аммо кутилган натижани бермади. Махсус тозалаш воситасини талаб этмайдиган туш савдо расталарида узоқ вақт қолиб кетмайди. Киприкларни ювиш вақтида илиқ сувдан фойдаланиш тавсия этилади.
Изоҳ (0)