Дубайда келажак музейи яратилди (видео)

Дубайда келажак музейи тақдим қилинди. Бу ҳақда шайх Муҳаммад ибн Рашид ал-Мактум Twitter’даги саҳифасида маълум қилди.

Қийшайган «тешик кулча» шаклидаги иншоотнинг баландлиги 78 метр бўлиб, у 30 минг квадрат километр майдонни эгаллаган.

Музей метро бекати билан пиёдалар кўприги орқали боғланган. У меҳмонхона ҳамда ишбилармонлик комплексларидан иборат.

10 қаватли музейнинг илк учта қаватида 202 автомобилга мўлжалланган автотураргоҳ жойлашган.

Музей ичида кўллар, боғ ва гулзорлар, велойўлак ҳамда дам олиш зонаси мавжуд.

Бинонинг устки томони арабча ёзувлар билан безатилган. Ушбу музей лойиҳаси Killa Design архитектура агентлиги томонидан ишланган.

شهدت اليوم وضع القطعة الأخيرة على واجهة متحف المستقبل .. المبنى الأكثر إبداعاً في العالم ..30 ألف متر.. سبعة طوابق .. ارتفاع ٧٧ متراً .. وبدون أية أعمدة .. 1024 قطعة لواجهة المبنى مصنوعة كلها بالروبوتات .. أيقونة هندسية عالمية .. تتحدث اللغة العربية .. pic.twitter.com/NTlGyhOgpo

— HH Sheikh Mohammed (@HHShkMohd) October 3, 2020

Шайх Муҳаммад иншоотни архитектура ва муҳандислик санъат асари, деб атади. У музейнинг Дубай рамзи бўладиган диққатга сазовор масканлардан бирига айланишига умид билдирган.

Бино лидерликка интилиш, креативлик ва инновацияни ифодалайди.

Музей экспозицияси замонанинг таҳдидлари ва имкониятлари, келажак технологиялари, инсоннинг жисмоний ва интеллектуал имкониятларини кенгайтириш учун инновацияларни ўрганишга бағишланади.