Photogram компанияси қошига йиғилган бир гуруҳ муҳандислар, маълумотларни қайта ишлаш бўйича мутахассислар ва контент яратувчилари Micro Four Thirds фототизими сифатини смартфон сунъий интеллекти билан уйғунлашувини» ҳосил қиладиган камерани яратиш устида иш бошлади, деб хабар беради IXBT.
Қурилманинг асосини тасвирдаги пикселлари ўлчами 4,64 мкм бўлган ва HDR’ни қўллаб-қувватловчи 11 мегапикселли Four Thirds формати ташкил этади. У ечилувчан объектив билан бирга ишлайди. Бунда Micro Four Thirds объективидан ҳамда бошқа тизимларнинг объективларидан ҳам фойдаланиш мумкин.
Аlice Cаmera ўз экранига эга бўлмайди ва смартфонга уланади. Уланиш Wi-Fi орқали амалга оширилади. Смартфондаги иловада экспозицияни бошқариш, рангларни тўғрилаш, тасвирни рақамли барқарорлаштириш ва автоматик фокус функцияси мавжуд — уларнинг барчаси сунъий интеллект алгоритмлари билан ишлайди.
Суратга олинган тасвирларни сақлаш учун microCD хотира картасидан фойдаланилади. Бундан ташқари, тасвирни тўғридан-тўғри смартфонга узатиш ва уни интернетда чоп этишдан олдин таҳрирлаш мумкин. Камера 4K сифатдаги видеоларни ҳам тасвирга олишга қодир.
Ҳозирда прототип босқичида бўлган камерага олдиндан буюртмалар қабул қилинмоқда. Аlice Cаmera’нинг нархи 750 фунт стерлингни ташкил этади, бироқ олдиндан буюртма бериш орқали уни арзонроққа харид қилиш мумкин. Камера 2021 йилнинг мартида тақдим этилиши кутилмоқда.
Изоҳ (0)