Буюк Британия Туркияни коронавирус бўйича хавфсиз мамлакатлар рўйхатидан чиқариб ташлади. Энди Туркиядан қайтиб келган сайёҳлар икки ҳафтани карантинда ўтказишлари шарт. Бу ҳақда «РИА Новости» нашри хабар қилди.
Ушбу мамлакатнинг коронавирус учун хавфсиз рўйхатидан чиқарилиши, Испания ва Грецияда бўлгани каби тўсатдан содир бўлди. Энди Туркияда дам олаётганлар ва 3 октябрда Буюк Британияга қайтиб келадиганлар икки ҳафта карантинда бўлиши керак.
«Сўнгги маълумотларга кўра, бу ҳафта биз Туркия, Польша, Бонайра, Авлиё Эустатиус ва Сабаъни #TravelCорридор рўйхатидан чиқариб ташлашимиз керак. Агар сиз ушбу жойлардан 3 октябрь соат 04:00 дан бошлаб келсангиз, ўзингизни изоляция қилишингиз керак бўлади», — дейди транспорт бўйича давлат котиби Грант Шаппс.
Агар сайёҳлар бундан воз кечсалар, уларга 10 минг фунт стерлинггача (деярли 13 минг доллар) жарима солинади.
Изоҳ (0)