Венесуэла коронавирусга қарши «Спутник V» вакцинасининг биринчи партиясини олди. Бу ҳақда 2 октябрь куни мамлакат вице-президенти Делси Родригезга таяниб «Интерфакс» хабар қилмоқда.
Родригезнинг сўзларига кўра, Венесуэла Ғарбий ярим шарда коронавирусга қарши эмлашни қабул қилган биринчи мамлакат бўлди.
Ўз навбатида Россия, тўғридан-тўғри инвестиция жамғармаси орқали, яқин кунларда мамлакатдаги «Спутник V» вакцинасини билан Венесуэладаги кўнгиллиларнинг эмланишини эълон қилди.
Венесуэла «Спутник V» вакцинаси Россияда рўйхатдан ўтганидан кейин клиник синовларини бошлаган Лотин Америкасидаги биринчи мамлакат бўлди. Ушбу синовларда 2000 киши иштирок этади.
Таъкидланишича, Россияда 40 минг кишини қамраб олган синовнинг дастлабки натижалари октябрь—ноябрь ойларида эълон қилиниши кутилмоқда.
Қайд этилишича, «Спутник V» вакцинасини сотиб олиш учун МДҲ, Европа, Осиё, Яқин Шарқ ва Лотин Америкасининг 50 дан ортиқ мамлакатларидан аризалар келиб тушган.
Аввалроқ Мексикага 32 миллион, Бразилияга 50 миллион, Ҳиндистонга 100 миллион дозани, Ўзбекистонга 35 миллион ва Непалга 25 миллион дозани етказиб бериш бўйича келишувларни эълон қилган эди.
Эслатиб ўтамиз, Россиянинг Гамалея институти томонидан яратилган коронавирусга қарши икки компонентли вакцина 11 август куни вақтинчалик рўйхатдан ўтиш гувоҳномасини олган. Вакцина тўлиқ самарадорлик тадқиқотини ўтказиш шарти билан рўйхатдан ўтказилган ва гувоҳнома 2021 йил 1 январга қадар амал қилади. Вакцина «Спутник V» деб номланган.
Вакцинани яратиш ва тадқиқ қилиш ишларини молиялаштирувчи Россиянинг тўғридан-тўғри инвестициялар жамғармаси раҳбари Кирилл Дмитриев Россияда коронавирусга қарши оммавий эмлаш 2020 йил октябрь ойидан бошланишини айтганди.
Шунингдек, «Роспотребнадзор»нинг «Вектор» давлат илмий маркази томонидан ишлаб чиқилган коронавирус инфекциясига қарши иккинчи вакцина клиник синовларининг иккинчи босқичи якунига етказилиши билан гувоҳномага эга бўлиши мумкинлиги хабар қилинганди.
Изоҳ (0)