Арманистон Қуролли Кучлари томонидан ўққа тутилиши натижасида 27 сентябрдан бери 19 нафар тинч аҳоли ҳалок бўлган, дея хабар бермоқда Озарбайжон Бош прокурори Камран Алиевга таяниб «Интерфакс».
Бош прокурорнинг айтишича, вафот этганларнинг орасида уч аёл ва икки бола бўлган. Бундан ташқари, Алиевнинг таъкидлашича, шу вақтгача 63 киши жароҳат олган.
Унга кўра, Озарбайжон фуқароларининг ўлими, уларнинг яраланиши, мол-мулкига зарар етказилиши фактлари бўйича мамлакатнинг бешта минтақасида содир бўлган воқеалар бўйича 12 та жиноят иши қўзғатилган.
Аввалроқ Озарбайжоннинг Тоғли Қорабоғдаги жанглар бошланганидан буён кўрган йўқотишлари маълум қилинганди. Унга кўра, Озарбайжон Қуролли кучларининг 1280 нафар ҳарбий хизматчиси ҳалок бўлган, 2700 нафар аскар яраланган.
Изоҳ (0)