Коронавирус билан касалланиш ҳолати ортганлиги фонида Москва тиббиёт университет талабалари ва битирувчиларига пойтахт касалхоналарида ишлаш таклиф қилинди, деб хабар бермоқда «РБК».
Қайд этилишича, талабалар баҳорда ҳам COVID-19 билан курашга жалб қилинган.
Москва Соғлиқни сақлаш бошқармасида бўлиб ўтган учрашувда талаб юқори бўлган мутахассисликлар — анестезиолог, реаниматолог, юқумли касаллик мутахассислари ва фтизиатрия мутахассислари бўйича ишлашга таклиф қилинган.
Хабарда айтилишича, айрим талабаларга Соғлиқни сақлаш бошқармасидан ишга таклиф қилиш юзасидан қўнғироқлар бўлган.
«Эшитишимча тўлов миқдори баҳордагисидан кам бўлади. Ишлаётган ҳамширалардан бўлимда ходимлар етарли эмаслигини, икки суткалаб итдай ишлашаётганини биламан», — деган талабалардан бири.
Яна бир талаба қўнғироқлар бўлаётганини тасдиқлаган, лекин аниқ бирор нима таклиф этишмаётганини, умуман, зарур бўлиб қолса, тайёр бўласизми, деб сўрашаётганини таъкидлаган.
«РБК»нинг ёзишича, ҳозирча Россиянинг бошқа ҳудудларида тиббиёт талабалари марказлашган ҳолда жалб этилмаяпти.
Эслатиб ўтамиз, Россияда сўнгги икки ҳафтадан буён COVID-19 билан касалланишнинг кунлик кўрсаткичи юқори бўлмоқда. Мамлакатда илк бор кунлик касалланишлар сони 8 минг кишидан ортиқ бўлди. Бунда ҳудудлар бўйича энг кўп беморлар қайд этилаётган Москванинг ўзида сутка давомида 2217 та ҳолат аниқланган бўлиб, бу сўнгги тўрт ойдаги қарийб рекорд кўрсаткичдир.
Мавзуга доир:
- Россияда коронавирус пандемиясининг янги чўққиси қачон бўлиши тахмин қилинди
- Россияда COVID-19 билан касалланиш «плато» босқичига чиқиши прогноз қилинди
- Россияда COVID-19 билан касалланган беморлар учун ажратилган койкаларнинг қарийб 90 фоизи тўлди
- Россияда губернаторларнинг эпидемия пайти фуқаролар ҳаракатланишини чеклаган фармонлари конституцияга қанчалик мувофиқлиги текширилади
Изоҳ (0)