«Лестер» клуби ҳужумчиси Жейми Варди Англия Премьер Лигасининг 3-туридан ўрин олган «Манчестер Сити»га қарши учрашувда (5:2) ҳет-трик қайд этди.

Фото: Twitter

Шу тариқа Варди иккинчи бор Пеп Гвардиола  «Манчестер Сити»сига қарши кечган бир ўйинда учта гол урди. Бунгача у 2016 йилда ҳам шундай натижага эришганди.

Opta’нинг ёзишича, Вардидан ташқари, фақат Месси бир ўйинда Гвардиола жамоасига учта гол ура олган (2016 йилда Чемпионлар Лигаси доирасида ўтказилган ўйинда).

Фото: Twitter / @BRFootball

Маълумот учун, Варди АПЛнинг 2020/21 йилги мавсумида 3 та ўйин ўтказиб, 5 та гол урди.

Мавзуга доир: 33 ёшли Жейми Варди АПЛ 2019/20 йилги мавсуми тўпурарига айланди ва лига тарихига кирди