Осиё Чемпионлар Лигаси нимчорак финали доирасида кечадиган «Пахтакор» — «Истиқлол» учрашувидан аввал тошкентликлар ёрдамчи мураббийи Питер Ҳюистра ва жамоа ҳимоячиси Анзур Исмоилов матбуот анжуманида қатнашди.
Гуруҳ босқичини якунладик. Энди битталик ўйинлардан иборат плей-оффда ҳаракат қиламиз. Биз бунга тайёрмиз. Барчасини ўйин кўрсатиб беради.Шота ўзини яхши ҳис қилмоқда. У изоляцияда. Ўтган ўйинни таҳлил қилдик ва навбатдаги баҳсга тайёргарлик кўряпмиз. Барчаси яхши бўлишига ишонамиз. Шота дастлабки кунлари бироз ўзини ёмон ҳис қилди, ҳозирда эса барчаси ортда қолди. У ҳали ёш ва ишга чанқоқ.
Комилов иккита сариқ карточка туфайли майдонга туша олмайди. Қолган барча футболчилар ўйинга тайёр ва соғлом ҳолатда. «Пахтакор»ни жисмонан кучсиз деб ўйламанг. Биз ҳам икки йилдан буён бу борада меҳнат қиляпмиз. Бу борада ўзимизга ишонч катта.
Биз ўзимизга ишонамиз. Бу йигитлар билан ҳар куни бирга ишлайман ва уларнинг имкониятини яхши биламан. Шу сабабли ҳам уларга ишониб гапирмоқдаман.
Охирги йилларни қарасангиз ўзбек клубларида пасайиш бўлди. Лекин икки йил олдин Ўзбекистон U-23 терма жамоаси Осиё чемпиони бўлганди. Ўша жамоанинг кўплаб аъзолари ҳозир «Пахтакор»да ўйнамоқда. Ўша мусобақадан кейин футболчилар янада кучайди. Бу футболчилар янги даврни бошлаб бермоқда. Дастлабки мақсадимиз гуруҳдан чиқиш эди, бу вазифа уддаланди. Энди навбатдаги рақибни мағлуб этишни истаймиз.
Питер Ҳюистра, «Пахтакор» ёрдамчи мураббийи
Шундан кейин Анзур Исмоилов ўз фикрларини билдириб ўтди.
Гуруҳдан чиққанимиздан хурсандмиз. Бизни олдинда оғир ўйинлар ва ҳақиқий кураш кутмоқда. Мухлислар ва кўплаб инсонлар «Пахтакор»дан ғалаба ғалаба кутмоқда. Мақсадимиз фақат ғалаба қозониш. Рақибни яхши биламиз, ўрганиб чиқдик. Бизга қийин бўлади. Ғалаба қозонишимиз кераклигини тушуниб турибмиз. Жамоамиз ўйинга тайёр. Майдонга фақат ғалаба учун чиқамиз.«Пахтакор» ва «Истиқлол» жамоалари ўртасидаги учрашув 26 сентябрь, шанба куни бўлиб ўтади. Учрашув Тошкент вақти билан 22:45 да старт олади.Рақиб сафида иккинчи қаватда яхши ўйнайдиган футболчилар бор. Биз ҳам шунга яраша тайёргарлик кўрдик. Жамоамиздаги футболчилар бир-бирини яхши тушунади.
Анзур Исмоилов, «Пахтакор» ҳимоячиси
Эслатиб ўтамиз «Пахтакор» бош мураббийи Шота Арвеладзеда коронавирус аниқланган ва мутахассис айни дамда изоляцияда бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)