Оёқ томирлари нега тортишади? Ушбу касалликни қандай бартараф этиш мумкин?

Кўпинча уйқунинг бузилиши ёки жисмоний ҳаракатнинг тўхташига томир тортишиши сабаб бўлади. Томир тортишиши ёки қисқариши турли хил сабаблар туфайли юз беради ва бу деярли барча инсонда кузатилади. Ушбу касаллик ёшлар ва қариларни ҳам бир хилда безовта қилади.

Томир тортишиши ёки мушакларнинг сиқилиши соғлом одамларда ҳам дам олиш пайти, шу жумладан, кечаси, жисмоний машқлар пайти ёки бошқа исталган пайтда содир бўлиши мумкин. Кўпинча томир тортишиши сон, оёқнинг олд ва орқа томонларида юз беради. Тунда томир тортишиши оёқ ва бармоқларни букилишига олиб келади.

Оёқларда томир тортишиб қолишининг сабаби нимада?

• Мушакларнинг толиқиши ва ортиқча юк;
• Мушакларнинг етарли даражада чўзилмаслиги;
• Сувсизланиш;
• Танага минераллар, витаминлар ва электролитлар етишмаслиги;
• Варикоз томирларида қон таъминотининг етарли эмаслиги;
• Юқори ҳарорат ва намликда ишлаш ва ўқиш;
• Жароҳатлар;
• Спиртли ичимликларни ҳаддан ташқари истеъмол қилиш ва чекиш;
• Айрим дори воситаларини қўллаш;
• Асаб ва руҳий касалликлар: невроз, эпилепсия, ўткир психоз;
• Модда алмашинуви бузилиши;
• Заҳарланиш;
• Эндокрин касалликлар (қандли диабет)

Агар иш фаолияти унчалик кўп ҳаракат талаб қилмаса, кўпроқ жисмоний машқларни бажариб туриш керак. Иш пайтида мунтазам равишда ҳаракатланиш, қисқа юриш, туриш ва чўзилиш керак. Бу мушакларга ёрдам беради ва томир тортишишининг олдини олади.

Иш юзасидан учрашувлар, ташрифлар кўп бўлиши мумкин. Аммо инсон ўзига ғамхўрлик кўрсатишини ҳам унутмаслиги керак. Одатда кунлик режага амал қилмайдиган одамлар меъёрида суюқлик ичиш ва овқатланишни унутади. Жисмоний машқларни ҳам бажармаслик шундай ҳолатлардан сўнг келиб чиқади.

Аксарият ҳомиладор аёлларда ҳомила 6-7 ойлигидан бошлаб, мунтазам равишда томир тортишиши кузатилади. Ушбу ҳодисанинг асосий сабаби аниқланмаган, аммо қон айланишининг пасайиши, чарчоқ, стресс ва бола оғирлиги бунга сабаб бўлиши мумкин. Шунинг учун ҳам ҳомиладор аёллар етарли даражада дам олиши ва суюқлик ичиш тавсия этилади. Шунингдек, тоза ва газсиз минерал сувлар ичиш керак.

Томир тортишиб қолишининг олдини олиш ва даволаш

• Сайр, машғулот, чўзилиш;
• Етарли миқдорда сув ичиш (суткасига камида 1,5 литр)
• Минерал ва электролитлар етишмаслигини бартараф этиш.

• Шифокор маслаҳатларига амал қилиш;
• Ёғли, ширин, шўр маҳсулотлардан сақланиш;
• Спиртли ичимликлар истеъмолини камайтириш;
• 3 килограммдан ортиқ юк кўтармаслик;
• Рационга C ва E витаминига бой маҳсулотларни киритиш;
• Фаол ҳаракатда бўлиш керак, аммо оғир спорт туридан сақланиш керак.
• Оёқ учида юриш ва югуриш тавсия этилади. Кичик ва тор ўлчамдаги пойабзал ва кийим кийиш мумкин эмас.