Дунёда неча минглаб инсонлар ҳар куни тонометрдан фойдаланишга мажбур. Ҳар бир инсон саломатлигини асраш ва хавф-хатардан йироқ бўлиши учун қон босими ошиши сабабини билиши керак. Жаҳон соғлиқни сақлаш ташкилотининг тавсиясига кўра, 140 мм ва ундан юқори систолик босим, 90 ёки ундан юқори диастолик босим қон босимининг баландлигидан дарак беради.
Нима учун қон босими юқори бўлади?
Қон томирларининг бузилиши
Гипертоник типдаги қон томир тонусининг ўзгариши босимнинг ошишига олиб келади. Агар бошқа касалликлар аниқланмаса, муаммо доимий равишда қабул қилиниши керак бўлган дорилар билан ҳал қилинади.
Буйрак касаллиги
Буйраклардаги муаммолар туфайли қон босимининг кўтарилиши кўпинча, пешоб чиқариш, оғриқ ва ачишиш билан бирга келади.
Спиртли ичимликларни истеъмол қилиш
Оз миқдорда қабул қилинган спиртли ичимликдан маст бўлиш ҳолати кузатилса, демак, қон босими билан муаммолар мавжуд бўлади. Кўп миқдордаги спиртли ичимликлар гипертония учун хавфли омил ҳисобланади, шунингдек, қон босимининг кўтарилишига олиб келади.
Тузга сезгирлик
Айрим одамлар натрий тузининг истеъмоли туфайли юқори қон босимга эга бўлади. Шунинг учун туз истеъмолини камайтириш, уни калий тузига алмаштириш керак.
Стресс
Стресс деярли барча касалликлар учун энг хавфли омил ҳисобланади. Бетартиб иш, ҳаётдаги шахсий муаммо ва ташвишлар гипертензиянинг ривожланишига сабаб бўлади.
Вазн ошиши
Ҳаддан ортиқ семириб кетиш гипертониянинг ривожлантириши мумкин, албатта, бошқа хавфлар аниқланмаганда. Лекин шифокор вазн ошиши қон босими билан боғлиқлигини аниқлаган бўлса, парҳезни ўзгартириш ва жисмоний фаолликка кўпроқ аҳамият қаратиш керак.
Ёш
Гипертонияга чалиниш эҳтимоли кекса ёшли инсонларда анча юқори. Қон томирлари деворларида холестерин қуюқликлари топилганда хавф кучаяди.
Ирсият
Агар оила аъзоларда қон босими кўтарилиши тез-тез кузатилса, бу бошқаларга ҳам наслдан наслга ўтиши мумкин. Бундай ҳолларда гипертониянинг дастлабки белгилари ёшликда намоён бўлади.
Жинс
Эркакларда қон босимининг кўтарилиш хавфи кўпроқ юрак хуружини ривожланиши билан боғлиқ. Юқоридаги омиллардан бирортаси кузатилганда, асло хавотирга тушмаслик керак. Ўз вақтида босимни назоратда қилиш, турмуш тарзини ўзгартириш ва шифокор томонидан тавсия этилган дори-дармонларни мунтазам равишда қабул қилиш қон босими туфайли юзага келадиган асоратларнинг олдини олишга ёрдам беради.
Изоҳ (0)