Тери соғлом ва чиройли бўлиши учун нафақат фойдаланадиган воситалар, балки истеъмол маҳсулотларига ҳам эътиборли бўлиш керак. Қуйидаги 15 маҳсулот тери саломатлиги учун қиммат крем ва ниқоблардан кам бўлмаган таъсир кўрсатади.
Сув
Терини тозалаш ва организмнинг фаол ишлаши учун сувдан арзонроқ ва самаралироқ нарса йўқ.
Кўк чой
Кўк чой — антиоксидантларнинг кони ҳисобланади. Шу сабаб ҳам уни истеъмол қилганда тери намланиб, соғлом кўринади.
Ялпиз
Ялпиз ёшартирувчи, яллиғланишга қарши хусусиятга эга. Юздаги ҳуснбузарлар ва тошмалардан қутулишни истаганларга таркибида ялпиз бўлган лосьон ёки тоник ишлатиш тавсия қилинади.
Тофу
Таркибида оқсил мавжуд маҳсулотлар орасида тофуга етадигани йўқ. Оқсилли парҳез қилишни истаганларга рационига тофу пишлоғини киритиш маслаҳат берилади. Косметологлар терини оқартиришни истаган қизларга тофу истеъмол қилишни тавсия қилади.
Зайтун ёғи
Зайтун ёғи косметологияда энг универсал воситалардан бири ҳисобланади. Унга нисбатан «суюқ олтин» ҳамда ёшлик эликсири, деган таърифлар берилади.
Лосось
Оқсилга бой бўлган мазкур балиқ яллиғланган терининг тикланишида аҳамиятли ҳисобланади. Таркибидаги омега-3 эса эрта қаришнинг олдини олади.
Скумбрия
Териси ҳуснбузарларсиз тиниқ ва тоза бўлишини истайдиганлар рационига мазкур балиқни киритиш тавсия қилинади.
Арпабодиён
Қадимги Римда арпабодиён эркинлик ва муваффақият рамзи бўлган. Мазкур маҳсулотдан нафақат таом тайёрланган, балки тиббиётда ҳам фойдаланилган. Яллиғланишга қарши, тинчлантирувчи маҳсулот, шунингдек, ёшлик ва тери гўзаллигини сақлашда ёрдам берувчи антиоксидант ҳисобланади.
Қовоқ пистаси
Э витамини, омега-3 ва рухнинг манбайи бўлган қовоқ пистаси муаммоли тери учун ҳам яхши ечим.
Қора узум
Мазкур мева терини намлантириш хусусиятига эга кўплаб антиоксидантларни ўз ичига олади.
Саримсоқ пиёз
Саримсоқ инфекция ва вируслар профилактикаси учун қўлланилади. У организмни вируслар, хусусан, ҳуснбузар келтириб чиқарадиган бактериялардан ҳам халос этади.
Авокадо
Авокадо тери ва организм тонусини яхшиловчи Э витаминининг кони саналади. Фойдали хусусиятларидан ташқари, тўйимли маҳсулотлар сирасига ҳам киради.
Брокколи
Брокколи ортиқча вазндан қутулишни истаганлар ҳамда юз териси ҳорғин кўринганлар учун аъло вариант.
Лавлаги
Клетчатка, витамин ва антиоксидантларнинг кони эканлигидан ташқари, лавлаги холестеринни камайтиришда ҳам аҳамиятли. Қайнатганда ҳам фойдали хусусиятлари йўқолмаслиги унинг афзалликларидан бири саналади.
Карам
Мазкур сабзавот кўп миқдорда витаминлар ва фосфорни ўз ичига олади. Бундан ташқари, карамнинг терини оқартириш каби хусусияти ҳам мавжуд.
Изоҳ (0)