Бир вақтлар чиройлидек таассурот қолдирган трендлар йиллар ўтиб ўзгаради. Замон ўзгаргани сари унга мослашиш ҳамда ўзига хосликни сақлаган ҳолда ҳамнафас бўлиш керак.
Макияж ва маникюрда тошлардан фойдаланиш
2000 йилда тиш, соч ва тирноқларга тошлар ёпиштириш урф бўлган, қанча кўп бўлса, шунча яхшидек туюлган эди. Аммо ҳозир эмас. Ҳозир кийинишда ҳам, макияжда ҳам минимал услуб урфда. Агар жуда ҳам фойдалангингиз келса, битта бармоққа бир донагина ёпиштиринг.
3D киприклар
Улама киприклар ўтмишда қолган. Қўғирчоқникидек киприклар сизни сунъий кўрсатади. Туш ёрдамидан фойдаланинг ёки киприкларингизни ламинация қилдиринг.
Шиширилган лаблар
Ҳозир трендда табиий гўзаллик. Бундан 10-20 йиллар аввал лабини шишириш муолажасидан фойдаланганлар айни вақтда табиий контурни қайтаришни истайди.
Улама тирноқ
Маникюр қилдиришда ҳам табиийликка риоя қилинг. Узун тирноқлар биринчидан гигиенага тўғри келмайди; иккинчидан, хунук. Ўртача узунликдаги тирноққа оч рангли лак суриш тавсия қилинади.
Улама сочлар
Сочларингиз калта бўлса бўлсин, аммо улама бўлмасин. Ҳатто калта сочни ҳам яраштириб турмакласа ва бўяса бўлади. Ёпиштирилган улама соч табиий сочларга зарар етказиб, ўсишига қаршилик қилади.
Изоҳ (0)