«Олтин тўп», Зидан ва французча Мадрид. Килиан Мбаппе нима учун «Реал»га ўтиши кераклиги ҳақида

Килиан Мбаппе ўз спорт карьерасида туб бурилиш ясашга қарор қилиб, ПСЖ раҳбариятига жорий мавсум якунида жамоани тарк этмоқчилигини айтди. Мбаппенинг қатъий қарорини ҳеч қанақасига молиявий масалалар билан боғлаб бўлмайди, боиси шундоқ ҳам унинг ПСЖдаги маоши йилига 20 миллион еврони ташкил қилади. Ундаги ПСЖдан (Франциядан) кетиши истаги шахсий ва профессионал сабабларга боғлиқ. Демак, қуйида шу ҳақида батафсил фикр юритилади.

Зинедин Зидан(ватандошга хайрихоҳлик)

Килиан болаликдан Зинедин Зиданга мухлислик қилгани ҳеч кимга сир эмас. У Франция Зиданнинг дубли эвазига Роналдо ва Роберто Карлоси бор Бразилияни 3:0 ҳисобида мағлубиятга учратиб, 1998 йилги Жаҳон Чемпионатида ғолиб чиққанидан беш ой ўтгач туғилган. Килианнинг отаси эса Зиданни кумири деб билган, шу боис Килиан болалигиданоқ у билан учрашишни орзу қилган. Мбаппе болалигида (омади чопиб) хайрия учрашувида қатнашиб, ҳатто Зидан билан суратга ҳам тушишга муваффақ бўлади. Бундан ташқари, у Мадридда бошқа бир кумири Криштиану Роналду билан учрашган ва бу тарихий воқеани ҳам фотокамерага муҳрлаган. Айтишларича, Килианнинг уйида ҳозиргача бу икки афсонанинг плакатлари ва Мадрид футболкаси бор эмиш.

Чемпионлар Лигасидаги амбициялар

Мбаппе «Монако»да ўйнаб юрган пайтларидаёқ Чемпионлар Лигаси ярим финалига қадар етиб борганди (2017 йил), гарчи у ўша пайтда бор-йўғи 18 ёшда бўлса ҳам, айнан унинг хизматлари эвазига жамоа ўша босқичга қадар етиб келганди. Ўшанда унга «Реал» ва ПСЖга жиддий эътибор қаратган, бироқ якунда Париж клуби уни сотиб олишга муваффақ бўлганди. Шундан сўнг Килиан ПСЖ билан уч марта Чемпионлар Лигасида қатнашди, бироқ ҳамон совриндан дарак йўқ. Ўтган мавсумда Лиссабонда француз клуби азалий орзусига жуда яқин келганди, аммо ҳаддан зиёд тартибли «Бавария» бунга йўл қўймади. Ҳозир Мбаппенинг тоқати тоқ бўлган ва тушуниб турибдики, бу ерда орзусига ета олмайди. «Реал» эса мазкур мусобақанинг қироли эканлигини ҳамма қатори у ҳам билади.

«Олтин тўп»

Мбаппе Мадрид ва унинг 2022 йилда дунёдаги энг замонавий ва ҳайратланарли стадионга айланадиган «Сантьяго Бернабеу»сидаги ислоҳотларни эшитган. Ҳатто Килианга лойиҳа кўрсатилган ва ишга тушганидан сўнг унинг қанчалик катта бўлиши тушунтирилган. Мбаппе эса интервьюларидан бирида «Беранабеу»да ўйнаш исталган футболчига завқ бағишлашини айтган. Галактикоснинг бир қисми бўлиш ва ултразамонавий стадионда ўйнаш унга қўшимча мотивация тақдим этишига ҳеч қандай шубҳа йўқ.

Французча «Мадрид»

Мураббийлар штабидаги ватандошлар ва Зидандан ташқари, Килиан кийиниш хонасида Варан, Бензема ва Менди билан бирга бўлади, эҳтимол яқин орада Камавинга ва Упамекано ҳам келиб қолар («Реал» мазкур футболчиларни кузатиб бормоқда ва яқин бир неча йил ичида уларни Мадридга олиб келишни кузламоқда). Шундан экан французлашиб бораётган Мадридга Килиан жуда тез мослашади ва ҳеч шубҳасиз кейинги ўн йилликнинг янги «Роналду»сига айланади. Мбаппе аллақачон ушбу вазифага шай ҳолатда. Бунга эса атиги бир йил қолди, холос.