Футбол бўйича Англия Премьер Лигасининг 2-турида «Манчестер Сити» 21 сентябрь, душанба куни «Вулверҳэмптон» меҳмони бўлди.
Учрашувнинг 20-дақиқасида Кевин де Брюйне пенальтини аниқ ижро этган ҳолда меҳмонларни олдинга олиб чиқди. 32-дақиқада Фил Фоден «шаҳарликлар»нинг комбинациясини муваффақиятли якунлади.
Иккинчи бўлимда «бўрилар» фаолликни оширди. 78-дақиқада Рауль Хименес қанотдан узатилган тўпни боши билан дарвозага аниқ йўналтириб, ҳисобни қисқартирди.
Сўнгги дақиқалар «Вулверҳэмптон»нинг босими остида ўтди, бироқ «Манчестер Сити» ҳакам томонидан қўшиб берилган вақтда Габриэль Жезуснинг голидан кейин ўйинга якуний нуқтани қўйди.
Эслатиб ўтамиз, «Манчестер Сити»нинг АПЛ 1-туридан ўрин олган «Астон Вилла»га қарши ўйини қолдирилганди.
Хосеп Гвардиола шогирдлари 3-турда «Лестер»га қарши ўйнайди, «Вулверҳэмптон» эса «Вест Ҳэм» меҳмони бўлади.
АПЛ
2-тур баҳслари
21 сентябрь, душанба
«Вулверҳэмптон» — «Манчестер Сити» 1:3
Голлар: 0:1 – 20, пенальти де Брюйне, 0:2 – 32 Фоден, 1:2 – 78 Хименес, 1:3 – 90+5 Габриэль Жезус.«Вулверҳэмптон»: Руй Патрисиу, Марсал (Рубен Винагре, 8), Боли, Коуди, Саисс, Поденсе, Моутинью (Дендонкер, 78), Траоре, Рубен Невеш, Нету (Фабиу Сильва, 78), Хименес.
«Манчестер Сити»: Эдерсон, Стоунз, Менди, Аке, Уокер, Фоден, Фернандиньо, де Брюйне, Родри, Стерлинг (Ферран Торрес, 81), Габриэль Жезус.
Огоҳлантиришлар: Габриэль Жезус (35), Менди (35), Родри (86).
«Астон Вилла» — «Шеффилд Юнайтед» 1:0
Гол: 1:0 – 63 Конса.Четлатиш: Иган (12) — «Шеффилд».
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)