Португалиянинг «Спортинг» клуби ўз академиясини номини ўзгартирди.
Эндиликда у жамоа собиқ ҳужумчиси, ҳозирда «Ювентус»да тўп сураётган Криштиану Роналду номи билан аталади. Криштиану «Спортинг» тарбияланувчиси ҳисобланиб, 1997—2003 йиллар мобайнида клуб тизимида тўп сурган ва у ердан «Манчестер Юнайтед»га йўл олган.
Лиссабонликлар клубининг таъкидланишича, энди клуб академияси Португалия ва жаҳон футболи тарихидаги энг яхши ўйинчиларидан бири номи билан аталади. Таъкидланишича, академия ўзининг энг буюк тарбияланувчиси номини абадийлаштиришни истамоқда. Бу клуб тизимида ўйнаётган ёш футболчиларни илҳомлантиришига умид билдирилмоқда.
2019 йилнинг октябрь ойида «Спортинг» президенти Фредерку Варандаш жамоа стадиони Роналду номи билан аталиши мумкинлигини айтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)