Британия ҳукумати коронавирус сабаб ўз-ўзини яккалашга мажбур бўлган кам таъминланган фуқароларга 500 евродан ёрдам пули тўлайди. Бу ҳақда Буюк Британия соғлиқни салқаш вазири Мэтт Хенкокка таяниб, BBC хабар берди.
Унинг сўзларига кўра, ёрдам пули бир марталик бўлиб, ушбу тоифага кирувчи фуқароларнинг ўз-ўзини изоляция қилишига тўсқинлик қилган иш берувчилар жаримага тортилади. Вазирнинг таъкидлашича, бу каби схема Англияда қўлланилади, бироқ Уэльс, Шотландия ва Шимолий Ирландия ҳукумати муқобил молиялаштириш дастурига эга бўлади.
Ўз-ўзини изоляциялаш режимини бузганлар 1000 евро миқдорида жаримага тортилади. Ушбу ҳолат қайта такрорланса жарима 10 минг евроага кўтарилади.
Буюк Британия бош вазирининг бош маслаҳатчиси Патрик Уалланснинг маълум қилишича, октябрь ўрталарига бориб мамлакатда коронавирус билан кунлик касалланиш кўрсаткичи 50 мингга етиши мумкин. Ҳозирда эса COVID-19’га чалиниш ҳолатлари ҳар етти кунда икки баробарга кўпаймоқда. Ноябрь ойи ўрталарига бориб эса Британияда ҳар куни 200 кишигача бемор COVID-19’дан вафот этиши мумкин.
Уалланснинг сўзларига кўра, ҳозирда мамлакат аҳолисининг 8 фоизга яқини вирус билан касалланган ва табиийки уларда анитана мавжуд. «Бу кўпчилигимиз ҳимоясиз эканлигимизни ва касалликка чалинишимиз мумкинлигини билдиради», — дейди маслаҳатчи.
Аввалроқ Британия бош вазири Борис Жонсон мамлакатда қайта карантин жорий этилиши мумкинлигини маълум қилганди.
Изоҳ (0)