Ўзбекистонда ўтган даврда карантин қоидаларига амал қилмаслик бўйича ҳуқуқбузарлик юзасидан 619 126 нафар фуқаро аниқланиб, тегишли тартибда баённомалар расмийлаштирилган, дея хабар бермоқда ЙҲХББ.
Қайд этилишича, мамлакат бўйлаб 2020 йилнинг 15 сентябригача 1 миллион 175 минг 306 та қоидабузарлик аниқланган. Бир кунда ўртача 600-650 та қоидабузарликлар рўйхатга олинмоқда. Шу давр мобайнида 155 846 та транспорт воситаси жарима майдонларига киритилган.
Шунингдек, карантин талабларини бузган 100 561 нафар фуқарога нисбатан Маъмурий жавобгарлик кодексининг 54-моддаси 1-қисми (карантин шароитида жамоат жойларида ниқобсиз бўлиш) билан, 26 958 нафар фуқарога эса 2-қисми (карантин шароитида мажбурий қоидаларни бузиш) билан чора кўрилди.
Мавзуга доир: Никоҳ тўйини Tashkent City паркида ўтказган Воҳиджон Исоқов карантин қоидаларини бузгани учун жаримага тортилди
«Биргина пойтахтни оладиган бўлсак, тадбир бошидан 20 мингдан ошиқ транспорт воситаларини карантин қоидаларини қўпол равишда бузиб ҳаракатланган ҳуқуқбузарларга нисбатан Маъмурий жавобгарлик кодексининг 54-модда 1 ва 2-қисмлари билан маъмурий баённомалар расмийлаштирилди.
Шунингдек, 9 мингга яқин транспорт воситалари карантин қоидалари қўпол равишда бузгани учун вақтинчалик жарима майдонларига жойлаштирилди.
Масалан, ҳайдовчи ва йўловчи орасини тўсиб турувчи плёнкаларсиз, махсус тиббий ниқоб ва қўлқопларсиз ҳамда керагидан ортиқча йўловчиларни олган ҳолда ҳаракатланиш ҳолатлари ҳам учрамоқда.
Карантин қоидаларини бузган ҳайдовчиларга нисбатан тегишли тартибда маъмурий баённома расмийлаштириб, чоралар кўриляпти», – дейди Тошкент шаҳар ИИББ ЙҲХБ бошлиғи ўринбосари Азиз Садиров.
Мавзуга доир:
- Соғлиқни сақлаш вазирлиги Ўзбекистон фуқароларини карантин қоидалари юмшатилгани туфайли хотиржамликка берилмасликка чақирди
- Тўйига белгиланганидан ортиқ одам чақирган «Браво» кулги жамоаси аъзоси Аҳмад Темуров жаримага тортилди
- Андижонда тўй ўтказиш билан боғлиқ карантин талабларини бузиш ҳолатлари аниқланди
Изоҳ (0)