Тошкент шаҳрининг икки кафесида 17 сентябрь тонгида содир бўлган ёнғин бартараф этилди, дея хабар бермоқда ФВВ.
Қайд этилишича, 2020 йил 17 сентябрь тонгида Тошкент шаҳрининг Миробод ва Чилонзор туманларида ёнғин юз берди. Келиб чиққан вазият оқибатида Нукус кўчаси 10-уйда жойлашган «Бухоро» кафесининг ошхонаси ҳамда Бунёдкор ва Чўпонота кўчалари чорраҳасида жойлашган ижарада бўлган «Бистрофф» кафесининг қарийб 190 квадрат метрига зарар етган.
Ушбу ҳолат юзасидан Тошкент шаҳар Фавқулодда вазиятлар бошқармасининг 8 та ёнғин ўчириш экипажи ҳамда 2 та автонарвон зудлик билан воқеа жойига етиб келди. Ёнғин-қутқарувчиларнинг олиб борган тезкор саъй-ҳаракатлари натижасида биноларнинг 430 квадрат метр майдони сақлаб қолинган.
Жабрланганлар тўғрисида маълумотлар келиб тушмаган. Ёнғиннинг келиб чиқиш сабаблари ўрганилмоқда.
Изоҳ (0)