YouTube’даги Hyper Blue ники остидаги блогер Chevrolet Corvette ZR1’нинг Lego конструкциясидан ясалган нусхасини сотиб олиб, унга мотор ва ишлайдиган узатмалар қутисини ўрнатди. У тўрт дақиқалик видео давомида ўйинчоқ машинанинг янги тизимлари қандай ишлашини кўрсатиб берган.
Блогер Corvette учун Дания конструкцияси деталларидан йиғилган кичкина динамометрик стенд ясаган. Унга ўт олдириш калитини, электроникани ёқиш ричагини, митти тепки ва двигателни ишга туширувчи тугма жойлаштирган. Тугма босилганида Corvette’нинг олдиндан ёзиб олинган товуши эшитилади.
Электромоторча ва олд ғилдиракларга уланган планшет ўзига хос қурилмалар панели бўлиб хизмат қилади. Унда модель ҳаракатланиши мумкин бўлган тезлик, моторнинг айланишлар сони ва тепкиларни босиш даражасига оид маълумотлар жойлашган.
Блогер моделни ўрта моторли қилиб жиҳозланган. Электродвигатель кичкина тўрт поғонали механик узатмалар қутиси ёрдамида ишлайди. Moтoр ўчиб қолмаслиги учун блогер машинанинг қуйруқ қисмини кўтариб туриб, унинг орқа ғилдиракларини эркин айланишини таъминлайдиган механизм ясаган.
Эслатиб ўтамиз, июнь ойида Honda маркаси Lego компанияси мутахассислари билан бирга, конструктор ёрдамида Австралиядаги дунёга машҳур Mount Panorama пойга трассасини яратган эди.
Изоҳ (0)