Фарғона вилоятида ҳайдовчилик гувоҳномаси йўқ йигит рулда ухлаб қолиши оқибатида пиёдани уриб кетди, дея хабар бермоқда ЙҲХББ.
Қайд этилишича, 2020 йилнинг 15 сентябрь куни соат 06:30 ларда Фарғона вилояти Учкўприк тумани «Жалаер» МФЙ ҳудудидан ўтган А-373Б автомобиль йўлининг 35-километрида ҳайдовчи, 1997 йилда туғилган, ҳайдовчилик гувоҳномасига эга бўлмаган С.Ш. ВАЗ-21063 русумли автомобилда меъёрий ҳужжатларсиз ҳаракатланаётиб, бошқарув вақтида ухлаб қолган.
Оқибатида йўлнинг чап томон четида тўхтаб турган пиёда, 1976 йилда туғилган Д.Ш.ни уриб юборган.
Натижада пиёда, 44-ёшли Д.Ш. оғир тан жароҳатлари олиб шифохонада вафот этган.
Мазкур ЙТҲ юзасидан Учкўприк тумани ИИБ ҳузуридаги ТБ томонидан терговолди суриштирув ҳаракатлари олиб борилмоқда.
Изоҳ (0)