Жиззах вилояти Мирзачўл туманида маст ҳолатдаги ҳайдовчи ЙПХ ходимига қаршилик кўрсатиб, унинг бодикамерасини улоқтириб юборди, деб хабар бермоқда ЙҲХББ.
Қайд этилишича, 2020 йил 21 август куни кечки соат 20:00 лар атрофида Мирзачўл тумани Ўзбекистон кўчасида ЙТҲ содир бўлгани хабар қилинган. «ВАЗ 2121» автомашинаси билан Lada 2107 автомашинаси ЙТҲ содир қилгани аниқланган.
Инспекторлар ҳар икки автомобиль ҳайдовчисини спиртли ичимликда гумон қилиб, врач-нарколог кўригига олиб бормоқчи бўлган. Йўлда «ВАЗ 2121» ҳайдовчиси ҳожатга чиқишини айтиб, машинани тўхтатишни сўраган.
«Машинадан тушган ҳайдовчи врач-нарколог кўригидан бош тортиб, бизга фаол қаршилик кўрсата бошлади. Шу орада менинг бодикамерамни қўли билан юлиб олиб, улоқтириб юборди. Шундан кейин қонуний тартибда биз ҳайдовчини врач-нарколог кўригига олиб бориш учун тезкор тергов гуруҳини чақирдик», – дейди Мирзачўл тумани ИИБ ЙҲХБ инспектори Аброр Алимқулов.
Врач-нарколог кўригидан сўнг, инспекторларга қаршилик кўрсатган ҳайдовчи спиртли ичимликдан маст эканлиги аниқланган.
Маълумот учун, маст ҳолда транспорт воситасини бошқариш Маъмурий жавобгарлик кодексининг 131-моддасига биноан транспорт воситасини бошқариш ҳуқуқидан бир йил-у олти ойдан уч йилгача муддатга маҳрум қилиш, базавий ҳисоблаш миқдорининг йигирма беш баравари миқдорида жарима солишга сабаб бўлиши мумкин.
Мавзуга доир:
- Навоийда Nexia ҳайдовчиси маст ҳолда велосипед бошқариб кетаётган фуқарони уриб юборди. Жабрланувчи шифохонада вафот этди
- Навоийда аёл киши ЙПХ ходимининг бодикамераси ва жезл таёқчасини олиб қўйди. Прокуратура ҳолат юзасидан суриштирув бошлади (видео)
- Тошкент вилоятида ЙПХ ходимига 2 миллион сўм пора бермоқчи бўлган ҳайдовчи қўлга олинди
Изоҳ (0)