Сирдарёда вилояти Сирдарё туманида Nexia ва «Газель» иштирокида содир бўлган ЙТҲда 20 ёшли ҳайдовчи вафот этди. Бу ҳақда ЙҲХББ матбуот хизмати хабар берди.
14 сентябрь куни соат 09:00 ларда Сирдарё тумани ИИБга тушган хабарга кўра, воқеа Сирдарё вилояти, Сирдарё тумани, «Камолот» МФЙ ҳудудидан ўтган М-39 автомобиль йўлининг 874-километрида юз берган.
20 ёшли ҳайдовчи И.Х. хавфсизлик камарини тақмасдан Nexia-3’ни тезликни меъёридан оширган ҳолда ҳайдаб кетаётиб бошқарувни йўқотган ва йўлнинг чап томонидаги дарахтга урилиб, қарама-қарши бўлакка ўтиб кетган. Натижада қаршисидан келаётган 31 ёшли ҳайдовчи Б.А. бошқарувидаги «Газель»га тўқнашган.
Оқибатда Nexia-3 ҳайдовчиси оғир тан жароҳатлари олиб шифохонада вафот этган. «Газель» йўловчиси 46 ёшли О.Д. тан жароҳати олиб шифохонага ётқизилган.
Мазкур ЙТҲ юзасидан Сирдарё тумани ИИБ ҳузуридаги ТБ томонидан терговолди суриштирув ишлари олиб борилмоқда. Хабарда айтилишича, Nexia-3 ва «Газель» ҳайдовчиларининг ҳар бири бир йил мобайнида 5 маротаба қоидабузарлик содир этган.
Мавзуга доир:
- Самарқандда ҳайдовчи ухлаб қолиши оқибатида Lacetti «ПАЗ-742» билан тўқнашди. ЙТҲда икки киши ҳалок бўлган
- Чинозда юз берган ЙТҲ оқибатида тўрт киши ҳалок бўлди, икки киши касалхонага ётқизилган
- Қашқадарёда юк машинаси ва Nexia тўқнашиши натижасида 6 яшар қизалоқ ҳалок бўлди
- Наманганда Epica тез тиббий ёрдам машинаси билан тўқнашди. Ҳамшира жароҳатланган
Изоҳ (0)