Наманган вилоятида 2000 йилда туғилган ҳайдовчи 9 ёшли қизни уриб кетди, дея хабар бермоқда ЙҲХББ.
Қайд этилишича, 2020 йилнинг 14 сентябрь куни соат 11:00 ларда, Наманган вилояти Косонсой тумани ҳудудидан ўтган 4R-114 автомобиль йўлининг 16-километрида, ҳайдовчи, 2000 йилда туғилган А.Қ. ВАЗ 2107 русумли автомобилни бошқариб кетаётганда йўлга югуриб чиққан пиёда, 2011 йилда туғилган М.О.ни уриб юбориб, ЙТҲ содир этган.
Натижада вояга етмаган 9 ёшли М.О. оғир тан жароҳатлари олиб шифохонада вафот этган.
Мазкур ЙТҲ юзасидан Косонсой тумани ИИБ ҳузуридаги Тергов бўлими томонидан Жиноят кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)