«Интер» ҳужумчиси Лаутаро Мартинес «Реал»га ўтиб кетишини мумкин.
SportMediaset’нинг хабар қилишича, 23 ёшли аргентиналик футболчининг вакиллари Испания нафақат «Барселона» билан, балки, «Реал» билан ҳам музокаралар олиб борган.
Таъкидланишича, агентлар мадридликлар билан жуда тез келишувга эришган. «Интер» Артуро Видаль трансфери ҳал бўлмагунга қадар каталон клубини ғазабга келтирмаслик учун мазкур маълумотни «Барселона»дан сир тутган.
«Интер» раҳбарияти «Челси» ярим ҳимоячиси Нголо Кантени сотиб олиш учун аргентиналик ўйинчининг трансферига розилик берган.
Лаутаронинг «Реал»га ўтишидан миланликлар клуби 100 миллион евро атрофида пул ишлаб олиши тахмин қилинмоқда. Бу орқали «Интер» Канте трансфери учун 50-60 миллион евро ишлаб олишдан ташқари, «қаймоқранглилар» ҳимоячиси Ашраф Ҳакими трансфери учун сарфланган 40 миллионни ҳам қоплаб олади.
Шунингдек, келишувга «Реал» ҳужумчиси Лука Йович ҳам киритилиши мумкин. «Интер» сербиялик футболчини сотиб олиш ҳуқуқи билан ижарага олиши мумкин.
Лаутаронинг ўзи «Барселона»га ўтишни ва у ерда Лионель Месси билан бирга тўп суришни истаганди, бироқ каталон клубида рўй бераётган воқеалар сабаб футболчи бу фикридан қайтган. Унинг Мадрид клубидаги маоши йилига 8 миллион евро атрофида бўлиши айтилмоқда.
Эслатиб ўтамиз, «Барселона» узоқ вақтдан буён Мартинесни қўлга киритишга уринади. Бироқ «Интер» клуби футболчини 111 миллион евро товон пулидан камига сотишга рози бўлмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)