«Пахтакор» бош мураббийи Шота Арвеладзе 14 сентябрь кунидан рестарт оладиган Осиё Чемпионлар Лигаси 3-тури доирасида «Ал-Ҳилол»га қарши кечадиган баҳс олдидан ўз фикрлари билан ўртоқлашди.
Рақибни жуда яхши биламиз. Уларнинг қандай кучга эга эканлигидан ҳам хабардормиз. 2019 йил ҳам Чемпионлар Лигаси гуруҳ босқичида иштирок этганмиз. Бундай ўйинларда майдонга тушганмиз. Бу йил ҳам ўз режамиз асосида ишлаб келяпмиз. Қисқа муддатда ўтадиган мусобақа барчага яхши имконият тақдим этади. Бу айнан бир жамоага устунлик беради деб ўйламайман. Фақат мени қизиқтираётган бир нарса — ҳар уч кунда ўйинларда қандай ҳаракат қила олишимизда. Бошқа жамоалар ҳам бунга қанчалик тайёр эканлиги қизиқ. Марказлашган мусобақада барча тенг ҳолатда бўлади. Бу кимгадир яққол устунлик беради деб ўйламайман.«Ал-Ҳилол» ва «Пахтакор» жамоалари ўртасидаги учрашув 14 сентябрь, душанба куни «Ал-Жануб» стадионида бўлиб ўтади. Учрашув Тошкент вақти билан 23:00 да старт олади.Барчага соғлик тилайман. Ҳеч ким касал бўлмаслигини хоҳлайман. Биз жуда ҳам жиддий вазиятда турибмиз. Барчамиз футбол ўйнаймиз. Яхши ўйин намойиш этиш учун эса барча соғлом бўлиши керак. Шу боис барчага соғлик тилайман. Рақиб сафида касал бўлганлар ҳақида бир гап айта олмайман. Фақат уларнинг тезроқ тузалишларини тилаб қоламан.
Ҳар уч кунда ўйин ўтказганимиз қандай таъсир қилишини ўйинлар орқали кўрамиз. Европада бу тақвим одатийга айланган. Тўғри биз учун ноодатий ҳолат бўлди, аммо 14 сентябрь куни майдонга тушиб ўйнашимиз керак, қолганини кейин кўрамиз.
Шота Арвеладзе, «Пахтакор» бош мураббийи
Эслатиб ўтамиз, «Пахтакор» ўрин олган Б гуруҳидаги ўйинлар Қатарда марказлашган ҳолда ўтказилади. «Шерлар» 14—23 сентябрь оралиғида тўртта учрашув ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)